Татарстан Президенты: «ТР Туризм буенча дәүләт комитетында җитди команда җыелган»

Татарстанның туризм өлкәсе алдында алга таба республикага туристлар агымын арттыру бурычы тора. Бу хакта бүген ТР Туризм буенча дәүләт комитетының йомгаклау коллегиясендә белдерелде, аның эшендә Татарстан Республикасы Президенты Рөстәм Миңнеханов катнашты. Шулай ук утырышта РФ Туризм буенча федераль агентылык җитәкчесе Олег Сафонов катнашты.

Татарстанның 2014 елда туризм өлкәсендә эшчәнлекнең нәтиҗәләре турындагы доклад белән ТР Туризм буенча дәүләт комитеты җитәкчесе Сергей Иванов чыгыш ясады. Ул хәбәр иткәнчә, туризмда күрсәтелгән хезмәт күләме 2014 елда 10,03 млрд. Сум тәшкил итте – былтыргы күрсәткечтән 20,6 % артык. Кунакханә хезмәте күләменең үсеше 2014 елда 2013 ел белән чагыштырганда 28,9 % тәшкил итте, туризм хезмәте – 10,8 %, санаторий-сәламәтләндерү хезмәте – 2,6 5.

Туризм өлкәсеннән Татарстан Республикасы бюджетына, Сергей Иванов сүзләренчә, елына 350 млн. сумнан да ким керми. Туризм индустриясендә 37 мең кеше эшли.

2014 елда Татарстанга 205 млн. турист һәм экскурсант килде – былтыргыдан 16,3% артык. Бу Россия Федерациясе субъектлары арасында бишенче урындагы күрсәткеч.

Барлыгы Татарстанда коллектив урнашу өчен 359 чара бар, барлык номерлар фондының 51,8 % Казанда урнашкан. Шул ук вакытта отельләрне тутыру 2013 елдагы 60 %тан 2014 елда 47 %ка кадәр кимеде. Моңа бәйле рәвештә Сергей Иванов билгеләгәнчә, булган туристик инфраструктурага йөкләмәне арттырырга кирәк. Бу максатта ул Татарстанның туризм өлкәсендәге мөмкинлекләрен Россия һәм халыкара базарга этәрү эшен көчәйтергә, зур кызыклы чаралар үткәрергә өндәде.

2015 елга икенче бурыч,Сергей Иванов сүзләренчә, туристик-рекреацион кластерларны үстерү. Өченче бурыч – су спорт төрләре буенча һәм футбол чемпионатларына әзерләнү эше.

ТР Дәүләт комитеты башлыгы шулай ук республиканың муниципаль берәмлекләрендә дә туризмны үстерергә өндәде һәм туризмның яңа төрләренә игътибар итәргә тәкъдим итте – мудицина, мәгариф, авыл.

Барлык бу мәсьәләләрне хәл итәр өчен Сергей Иванов Рөстәм Миңнехановка ТР Президенты җитәкчелегендә туризмны үстерү буенча Координацион Совет булдыру тәкъдиме белән мөрәҗәгать итте.

Туризм буенча федераль агентылык җитәкчесе Олег Сафонов чыгышында Татарстанны туризм үсеше буенча илдә иң алдынгы регионнарның берсе дип атады. О.Сафонов Татарстан Президенты Рөстәм Миңнехановка туризм өлкәсенә шәхси игътибары өчен рәхмәт белдерде.

«Татарстанда туризм үсешенең стратиегик әһәмиятен аңлау булуы бик шатлыклы», - дип белдерде федераль агентлык башлыгы.

Татарстан Республикасы Президенты Рөстәм Миңнеханов Олег Сафоновка Ростуризм республикага күрсәткән ярдәме өчен рәхмәт белдерде. «Минемчә, туристик кластерлар булдыру фикере дөрес, ә федераль ярдәм белән аны тормышка тизрәк ашырып булачак», - дип белдерде Р.Миңнеханов.

Татарстан Республикасы Туризм буенча дәүләт комитетын булдыруны ул уңышлы карар дип саный. «Алга таба да туризм үсешенә ярдәм итәчәк инфраструктураны булдырырга кирәк дип саныйм. Һәм иң мөһиме – без югары сыйфатлы хезмәт күрсәтергә тиеш» - дип әйтте Р.Миңнеханов.

Татарстан Президенты фикеренчә, туристларга кызыклы чаралар - эре спорт чаралары, Сабантуйны бәйрәм итү, Казанда гына түгел, ә республика районнарында да.

«Туризм, халыкка хезмәт күрсәтү – кешеләргә акча эшләүнең яхшы ысулы, кече һәм урта бизнес нигезе», - дип ассызыклады Рөстәм Миңнеханов.

«Эш күп әле, әмма Дәүләт комитетында җитди команда җыелган, - дип белдерде Татарстан Президенты. – Безнең кешеләр, мөмкинлекләр бар, шуңа күрә без Татарстанны бергәләшеп алга этәрербез».

Ул Ростуризм, ТР Дәүләт комитеты җитәкчелегенә рәхмәт белдерде, дәүләт бүләкләрен тапшырды.