2015 елда икътисад үсешенең тотрыклылыгын һәм социаль тотрыклылыкны тәэмин итү буенча беренчел чаралар планы расланды
Россия Федерациясе Хөкүмәтенең 2015 елның 27 гыйнварындагы 98-р номерлы Күрсәтмәсе белән 2015 елда икътисад үсешенең тотрыклылыгын һәм социаль тотрыклылыкны тәэмин итү буенча беренчел чаралар планы расланды.
План 4 бүлекне күз уңында тота:
икътисадый үсешне активлаштыру, икътисад тармакларына ярдәм, социаль тотрыклылыкны тәэмин итү, икътисадый һәм социаль өлкәләрдә вазгыятьне мониторинглау һәм контрольдә тоту.
Икътисад тармакларына ярдәм итүгә түбәндәгеләр керә:
- 2015 елда авыл хуҗалыгына дәүләт ярдәме өчен өстәмә чаралар бүлү – 50 млрд сум;
- транспортны үтилләштерү – 10 млрд сум;
- Россия машина төзүчеләре җитештергән авыл хуҗалыгы техникасын авыл хуҗалыгы товарлары җитештерүчеләренә сату ташламаларын субсидияләү – 2 млрд сум. Һәм башка чаралар да каралган.