Һәр пәнҗешәмбе Икътисад министрлыгы Татарстан Республикасында җитештерелгән продукция каталогыннан файдалану буенча бушлай укытулар үткәрә

Татарстан Республикасы Министрлар Кабинеты каршындагы Икътисадый совет утырышының «Татарстан Республикасы товар җитештерүчеләре продукциясен базарларга этәрү турында» 2014 елның 19 сентябрендәге ИХ-12-264 номерлы беркетмәсен үтәү йөзеннән, Татарстан Республикасы Икътисад министрлыгына караган «Татарстан Республикасы Дәүләт заказы, инвестицияле эшчәнлек һәм төбәкара багланышлар агентлыгы» ДУП тарафыннан Татарстан Республикасында җитештерелгән продукциянең электрон каталогы (http://kp.agzrt.ru/) эшләнде.
Электрон каталог республикада җитештерелә торган продукция турында мәгълүмати ресурс булып тора, һәм аны булдыру импортны алыштыруны тәэмин итүгә, җирле товар җитештерүчеләр продукциясен алга этәрүгә юнәлдерелгән.
Татарстан Республикасының барлык җитештерүчеләре электрон «Продукция каталогына» үзләре чыгара торган продукция турында мәгълүмат кертә алалар. Каталог төрле җитештерүчеләрнең әлеге төр продукциягә куйган бәяләрен чагыштырырга мөмкинлек бирә.
Татарстан Республикасы Икътисад министрлыгы тарафыннан, «Татарстан Республикасы Дәүләт заказы, инвестицияле эшчәнлек һәм төбәкара багланышлар агентлыгы» ДУП белән берлектә, атна саен электрон каталогны тутыру һәм аны куллану мәсьәләләренә багышланган киңәшмә уздыру оештырылды.
Укулар һәм пәнҗешәмбе 11:00 сәгатьтә түбәндәге адрес буенча оештырыла: Казан шәһ., Мәскәү ур., 55, Татарстан Республикасы Икътисад министрлыгы, конференц-зал. Катнашу бушлай.