Дәүләт органнары, бюджеттан тыш дәүләт фондлары белән идарә итү органнары һәм муниципаль органнар функцияләрен тәэмин итүнең норматив чыгымнарын билгеләү таләпләре расланды

«Дәүләт һәм муниципаль ихтыяҗларны тәэмин итү өчен товарлар, эшләр, хезмәт күрсәтүләрне сатып алу өлкәсендә контракт системасы турында» 2014 елның 5 апрелендәге 44-ФЗ номерлы Федераль законның 19 маддәсенең 3 өлеше 2 пунктына ярашлы рәвештә, Россия Федерациясе Хөкүмәтенең 2014 елның 13 октябрендәге 1047 номерлы Карары белән, дәүләт органнары, бюджеттан тыш дәүләт фондлары белән идарә итү органнары һәм муниципаль органнар функцияләрен тәэмин итүнең норматив чыгымнарын билгеләүнең гомуми таләпләре расланды. Әлеге таләпләр сатып алу планына кертелгән сатып алу объектын һәм (яки) объектларын нигезләү максатында, дәүләт органнары, бюджеттан тыш дәүләт фондлары белән идарә итү органнары һәм муниципаль органнар функцияләрен тәэмин итүнең норматив чыгымнарын билгеләгәндә кулланыла.
Норматив чыгымнар нигезендә исәпләнгән, товарлар, эшләр һәм хезмәт күрсәтүләрне сатып алуга бәйле чыгымнарның гомуми күләме бюджет йөкләмәләре лимиты күләменнән артмаска тиеш.
Карар 2015 елның 1 гыйнварыннан үз көченә керә.