Илдар Халиков “Энергия нәтиҗәлелеге һәм энергияне сак тоту” халыкара форумында катнашты

2014 елның 21 ноябре, җомга
Татарстан Премьер-министры Илдар Халиков кичә Мәскәүдә “Энергия нәтиҗәлелеге һәм энергияне сак тоту” ENES-2014 халыкара форумында катнашты. Республика Хөкүмәте башлыгы форумда ТР делегациясен җитәкләде. 

“Энергия нәтиҗәлелеге һәм энергияне сак тоту” ENES-2014 халыкара форумы 2014 елның 20 ноябреннән 22 ноябренә кадәр Мәскәүдә Гостиный двор территориясендә уздырыла. Татарстан Республикасы ENES-2014 форумының күргәзмә өлеше кысаларында бердәм күргәзмә экспозициясе буларак тәкъдим ителгән, ул икътисадның сәнәгать, энергетика, торак-коммуналь хуҗалыгы, мәгълүмат технологияләре тармакларында энергияне сак тоту һәм энергия нәтиҗәлелеген күтәрү буенча дәүләт сәясәтен гамәлгә ашыруның нәтиҗәләрен чагылдыра.

Республика экспозициясе составында ТР Сәнәгать һәм сәүдә министрлыгы, ТР Төзелеш, архитектура һәм ТРК министрлыгы, “Татмедиа” матбугат һәм массакүләм коммуникацияләр буенча республика агентлыгы, ТР Энергия саклау технологияләре үзәге, Казан дәүләт энергетика университеты, “Казаноргсинтез” ААҖ, “Түбәнкаманефтехим”ААҖ, “КАМАЗ” ААҖ кебек зур сәнәгать предприятиеләре бар.

Журналистлар белән әңгәмәсендә Илдар Халиков Татарстан предприятиеләренең энергия нәтиҗәлелеген күтәрүдәге уңышлары турында сөйләде. “ Интерфакс” агентлыгы уздырган энергия нәтиҗәлелеген бәяләүдә беренче унлыкка “ТАИФ”, “ТАИФ-НК”, Түбәнкаманефтехим”, “КАМАЗ” кергән. Бу республика предприятиеләре тарафыннан күп еллар уздырыла торган энергия нәтиҗәлелеген күтәрү буенча зур эшләрнең үз нәтиҗәсен бирүне күрсәтә”, -диде Илдар Халиков.

Ул шулай ук Татарстанда ТКХ өлкәсендә энергия нәтиҗәлелеген күтәрү буенча зур эшләр уздырылуын искә төшерде. “Бүген күпчелек шәһәрләр җылылык белән тәэмин итү схемасын һәм җылылыкны исәпкә алу системасын әзерләүне төгәлләделәр. Мин ышанам, киләчәктә республика халкы энергия нәтиҗәлелеген күтәрү хисабына түләүләрнең кимүен сизәр”,- дип белдерде ТР Премьер-министры.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 222-90-60 (доб. 377) (приемная министра); +7 (843) 222-90-60 (доб. 370) (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: телефон для справок +7 (843) 222-88-21 (доб.419 или доб. 452)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International