Татарстанның өч торак пункты Россиядә иң уңайлыклары булганнар арасына кергән

РФ Төбәк үсеше министрлыгында “Россиянең иң уңайлыклары булган шәһәр (авыл) җирлеге” исеменә Бөтенроссия конкурсына нәтиҗәләр ясалган, дип хәбәр итә ведомство матбугат хезмәте. Төрле категорияләрдә җиңүчеләр арасында Татарстан Республикасының шәһәр һәм авыл җирлекләре бар. Бу – Мамадыш шәһәре, шәһәр тибындагы Актүбә бистәсе һәм Красная Горка авыл җирлеге.
Үткән ел белән чагыштырганда, быел конкурста катнашырга тапшырылган гаризаларның саны икеләтә арткан. Конкурста 6 категориядә (3 – төрле халык саны булган шәһәрләр буенча, 3 – авыл җирлекләре буенча) 176 муниципаль берәмлек катнашкан. Конкурсның бүләк фонды - 95 млн.сум.
Россия төбәкләре башкалалары арасында Ставрополь җиңүче булган, 100 меңнән артык халкы булган шәһәрләр арасында – Башкортстан Республикасының Октябрьск шәһәре, 100 меңгә кадәр халкы булган шәһәрләр арасында – Татарстан Республикасының Мамадыш шәһәре. 5 меңнән артык халкы булган авыл җирлекләре арасында ТР Азнакай муниципаль районының шәһәр тибындагы Актүбә бистәсе җиңде, 3-5 мең халкы булган авыл җирлекләре арасында – ТР Мамадыш районының Красная Горка авыл җирлеге, 3 меңгә кадәр халкы булган авыл җирлекләре арасында – Липецк өлкәсенең Добровский муниципаль районының Преображеновский авыл советы.
Кайбер шәһәр округлары һәм җирлекләр, 2013 нче елда ТКХ үстерү буенча нәтиҗәле эшчәнлек өчен, өстәмә категорияләр буенча министрлыкның Мактау дипломнары белән бүләкләнгән.