Татарстан Республикасының тотрыклы икътисадый үсеше буенча оперштаб утырышында Минзәлә районы күрсәткечләрен карадылар
Татарстанда Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов рәислегендә Татарстан Республикасы Минзәлә муниципаль районы предприятиеләренең тотрыклы эшенә юнәлдерелгән оператив штабның эш төркеме утырышы узды.
Эш төркеме утырышында Рәсәй Федерациясе Федераль Собраниесе Дәүләт Думасы депутаты, Дәүләт Думасының кече һәм урта эшмәкәрлек комитеты рәисенең беренче урынбасары Когогина Әлфия, Минзәлә муниципаль районы башлыгы Сәлахов Айдар, шулай ук Татарстан Республикасы тармак министрлыклары һәм ведомстволары вәкилләре катнашты.
Минзәлә районы икътисадының нигезен агросәнәгать комплексы формалаштыра. Тулаем территориаль продуктта (ВТП) авыл хуҗалыгы өлеше 37,2% тәшкил итә. Гыйнвар-июнь айларында авыл хуҗалыгының тулай продукты узган елның шушы чорына карата 100,2% ка арткан.
Район икътисадында икенче урында тулаем эчке продуктның 15,2% ын тәшкил иткән төзелеш тора. Тармак эчендә иң күп эш юл юнәлешенә туры килә. Район икътисады структурасында сәнәгать 11,4% алып тора, хисап чорында муниципалитетның сәнәгать җитештерүе индексы алдагы елның шул ук чоры белән чагыштырганда 117% тәшкил иткән.
Район икътисадында кече һәм урта эшмәкәрлек өлеше 40% тәшкил итә. Секторның үсеш динамикасы тотрыклы үсеш белән характерлана: кече һәм урта бизнес субъектлары санының үсеш темпы узган елның шул ук чоры белән чагыштырганда 106% тәшкил итә, ә яңа төзелгән предприятиеләр саны 10,6% ка арткан. Район алдына КУЭ субъектлары санын арттыру буенча эшне көчәйтү һәм яңа предприятиеләрне теркәүгә ярдәм итү бурычы куелды.
Чара йомгаклары буенча Мидхәт Шаһиәхмәтов күзәтү астындагы оешмаларның финанс тотрыклылыгына йогынты ясый торган факторларны ачыклау, куркынычларны бәяләү һәм аларны минимальләштерү чараларын гамәлгә ашыру буенча системалы эш оештырырга кушты. Министр шулай ук предприятиеләрнең финанс-икътисадый күрсәткечләр үтәлешен контрольдә тотарга кирәклеген ассызыклады, шул исәптән баланс комиссияләре кысаларында да.