Татарстан эшмәкәрләре Киров компанияләре вәкилләре белән B2B-сөйләшүләрдә катнаша ала

Киров предприятиеләре вәкилләре икътисадның төрле тармакларыннан республикага хезмәттәшлекне киңәйтү, яңа заказчылар һәм дистрибьюторлар эзләү максатында киләчәк. Делегация составында – җитештерүдә махсуслашкан компанияләр:

● Мебель һәм комплектлау әйберләре: мебель фасадларыннан һәм әзер гарнитурлардан алып металл караватларга һәм агач эшләнмәләргә кадәр.

● Текстиль һәм интерьер чишелешләре: тукымалар белән тәэмин итүчеләр һәм популяр «лофт» стилендәге мебель җитештерүчеләр.

● Сәнәгать материаллары һәм төргәкләү: полиэтилен продукция, шулай ук тротуар плиткасы һәм бордюрлар җитештерүчеләр.

● Көндәлек ихтыяҗ товарлары: трикотаж кием, косметика, көнкүреш химиясе һәм хәтта туңдырма өчен агач таяклар җитештерүче компанияләр.

● Технологик җайланмалар: су чистарту өчен инновацион чишелешләр белән тәэмин итүчеләр.

Бизнес-миссия программасына индивидуаль B2B-сөйләшүләр, Киров предприятиеләрен тәкъдир итү, хезмәттәшлек шартлары турында фикер алышу һәм шулай ук эшлекле багланышлар белән алмашу керә.

Татарстан Республикасы эшмәкәрләре өчен катнашу бушлай.

Өстәмә мәгълүмат алу һәм сөйләшүләргә теркәлү өчен телефон аша мөрәҗәгать итәргә кирәк: (8332) 41‑04‑10, өстәмә 702.

Чара «Нәтиҗәле һәм конкурентлы икътисад» милли проекты кысаларында уздырыла.

Бизнеска ярдәм итү чаралары турында тулырак мәгълүматны Бердәм контакт-үзәк номеры буенча алырга мөмкин: 8 (843) 524-90-90.