Татарстан эшмәкәрләре “Коммерциализация-Био” конкурсы йомгаклары буенча 40 млн сумга кадәр алырга мөмкин

Татарстан бизнесын “Биоикътисад продуктларын җитештерүне оештыру һәм сатуны стимуллаштыру” федераль проектын гамәлгә ашыру кысаларында “Коммерциализация-Био” конкурсының беренче чиратында катнашырга чакыралар. 

Конкурс биоикътисад продукциясен чыгару өчен кирәкле эшләнмәләрне коммерцияләштерүне, җитештерүне булдыруны, киңәйтүне һәм (яисә) модернизацияләүне күздә тоткан инновацион проектларны сайлап алуга юнәлдерелгән.

Җиңүченең гранты күләме 40 млн сумга кадәр булырга мөмкин. Шул ук вакытта грант суммасының кимендә 50% (МТК статусы булган компанияләр өчен кимендә 30%) бюджеттан тыш уртак финанслауны тәэмин итәргә кирәк. 

Грант ярдәме эшләнмәләрне коммерцияләштерүгә, биоикътисад продукциясен чыгару өчен кирәкле җитештерүне булдыруга, киңәйтүгә һәм (яисә) модернизацияләүгә бәйле чыгымнарны тәэмин итүгә юнәлдереләчәк. Проектны үтәү вакыты - 12 яки 18 ай.

Конкурста еллык бухгалтерлык хисабының финанс нәтиҗәләре турындагы хисабында чагылдырылган соңгы 3 календарь елдагы (2023-2025 еллар) гомуми керем күләме сорала торган грант суммасының кимендә 50% ы булган мөрәҗәгать итүчеләр катнаша ала.

“Кече технологик компания” (МТК) статусына ия булган предприятиеләр өстәмә 2 балл алачак. Шулай ук әлеге предприятиеләр өчен конкурс барышында үткәрелә торган күчмә мониторинг процедурасын гамәлдән чыгару каралган. 

“Коммерциализация-Био” конкурсына гаризалар (1 нче чират) 2026 елның 25 маенда 10:00 сәгатькә кадәр кабул ителә.

“Коммерциализация-Био” конкурсы турында нигезләмә (1 нче чират).