Мидхәт Шаһиәхмәтов: тармакларның тотрыклылыгын арттыруның төп юнәлеше булып инвестицион нәтиҗәлелекне үстерү тора
Бу хакта ведомствоның йомгаклау коллегиясендә Татарстан Республикасы вице-премьеры - икътисад министры Мидхәт Шаһиәхмәтов хәбәр итте.
“Инвестицияләрнең алга таба сыйфатлы үсеше республика хакимиятенең барлык дәрәҗәләреннән һәм ресурслар белән тәэмин итүче оешмалардан инвестицион климатны яхшырту буенча системалы эшне дәвам итүне таләп итә”, - дип билгеләде министр.
Ул шулай ук инвестиция циклын тизләтүдәге киртәләр турында сөйләде, аларны бетерү өчен Татарстан Республикасында системалы эш корылган. Бу инженерлык инфраструктурасына тоташу, җир кишәрлекләре алу процедураларының бәясе, сроклары һәм саны, һәм хезмәт ресурсларыннан файдалану мөмкинлеге.
Татарстан Республикасы Икътисад министрлыгы профильле ведомстволар, ресурслар белән тәэмин итүче оешмалар белән берлектә “Росатом” дәүләт корпорациясе катнашында резервларга даими бәя бирә, шул исәптән иң кирәкле хезмәтләр буенча юл карталары һәм инвесторның “клиент юлы” үтәлешенә анализ ясый.
“Сквозной поток” проектын гамәлгә ашыру нәтиҗәсендә инвесторның “клиент юлын” 16% ка кыскартуга ирешелде. Инженерлык инфраструктурасы челтәрләренә технологик тоташтыру срокларын кыскарту инвестиция-төзелеш циклын тизләтүгә сизелерлек өлеш кертә.
“Срокларны оптимальләштерү өчен төп инструментларның берсе Бердәм килештерү кабинетын булдыру булды”, - дип хәбәр итте Мидхәт Шаһиәхмәтов.
Шул ук вакытта ул барлык җаваплы затларның да цифрлы инструмент мөмкинлекләрен кулланмавын билгеләп үтте һәм җаваплы структураларга бу мәсьәләне шәхси контрольгә алырга һәм кулланучылар эшен тәэмин итәргә киңәш итте.
Инвестицион климатны яхшырту буенча системалы эшнең бер юнәлеше - иң яхшы тәҗрибәләрне өйрәнү, гамәлгә кертү һәм тиражлау. Бу карарларга керү мөмкинлеген “Смартек” стратегик инициативалар агентлыгы платформасы тәэмин итә. Платформаларда Татарстан Республикасыннан 40 практика урнаштырылган, 11се Рәсәй Федерациясе субъектларында тиражланган, 15 практика Татарстан Республикасында гамәлгә кертелгән.