Татарстанда кече һәм урта бизнес өчен законга кертелгән үзгәрешләр үз көченә керә

Быел эшкуарлык эшчәнлегенә турыдан-туры кагыла торган берничә закон үзгәрешләре үз көченә керә. Беренче чиратта нинди төп срокларга һәм үзгәрешләргә игътибар итәргә кирәклеге турында сөйлибез.

Салымнар һәм кертемнәр

• УСН куллану параметрлары үзгәрәчәк: УСН куллану өчен керемнең иң чик күләме 490,5 млн сумга кадәр арттырылачак, әмма 20 млн сумнан артык керем булганда НДС түләү бурычы барлыкка киләчәк.
• Салым салуның патент системасын куллану өчен керем күләме 20 млн сум белән чикләнәчәк.
• “Керем - чыгымнар” салым салу объекты белән УСН кулланганда чыгымнар исемлеге киңәйтелде.
• НДС ставкасы 22% ка кадәр үсәчәк.
• 2026 елда беренче тапкыр НДС буенча декларация тапшыру вакытын бозган очракта, УСНда эшмәкәрләрне җаваплылыкка тартуга мораторий билгеләнгән.
• КУЭ субъектларының күп өлеше гадәти тарифлар буенча иминият кертемнәрен түләячәк.
• Коммерция оешмаларына җитәкче өчен түләүнең минималь күләменнән ким булмаган күләменнән чыгып исәпләнгән иминият кертемнәрен түләргә кирәк булачак.
• ИП өчен иминият кертемнәре билгеләнгән күләмдә 57 390 сум тәшкил итәчәк.

Салым законнарындагы үзгәрешләр турында тулырак мәгълүматны сылтама буенча укырга мөмкин (https://mert.tatarstan.ru/index.htm/news/2481160.htm).

Хезмәткәрләр өчен үзгәрешләр:

• Хезмәт өчен түләүнең минималь күләме аена 27 093 сум тәшкил итәчәк.

Үзмәшгуль гражданнар:

• Вакытлыча эшкә яраксызлык очрагында үзмәшгуль гражданнарны ирекле иминләштерү буенча эксперимент старт ала.

Кабул ителгән закон кысаларында үзмәшгуль гражданнар ирекле рәвештә социаль иминиятләштерүгә кертемнәр кертәчәк, бу аларга хастаханә кәгазьләрен рәсмиләштерергә мөмкинлек бирәчәк. Ирекле иминият системасында “Минем салым” мобиль кушымтасы ярдәмендә катнашырга мөмкин. Моны эшләү мөмкинлеге 2027 елның 30 сентябренә кадәр булачак. Хасталык ялы өчен түләү хокукы алты ай взнослар түләгәннән соң барлыкка киләчәк. Пособие күләме стажга һәм иминият суммасына бәйле.

Мәҗбүри таләпләр:

• Кулланучыларны җәмгыяви таныштыру өчен билгеләнгән белешмәләрне (шул исәптән вывескалар, күрсәткечләр, табличкалар) рус телендә (марттан) урнаштыруга таләпләр кертелә.
• ЕГРЮЛ һәм ЕГРИПта эшчәнлек төрләре турында аларның процент өлешләрен күрсәтеп белешмәләр чагыла башлаячак (әлегә - ИП һәм юридик затларга карата, алар Росстатка 1 апрельгә кадәр белешмәләр биргән очракта 2025 елда теркәлгән кешеләргә карата).

• Кунакханә хезмәтләре һәм башка урнаштыру чаралары хезмәтләре күрсәтүнең яңа кагыйдәләре билгеләнде (марттан).
• Электрон шәхси медицина кенәгәләренә мәҗбүри күчү планлаштырыла (сентябрьдән).
• Такси хезмәте күрсәтү өчен сатып алына торган автомобильләр Россия территориясендә (марттан) җитештерелергә тиеш.

Сәүдә:

• Маркетплейслар эшчәнлеген җайга салу кертелә.

Агымдагы елның 1 октябреннән платформалы икътисад турындагы закон үз көченә керәчәк, ул товарлар һәм хезмәтләр өчен түләүне кабул итүче маркетплейслар һәм башка онлайн-мәйданчыклар эшен җайга салачак.

Маркетплейслар эшенең төп үзгәрешләренә түбәндәгеләр керә:

• Шикаятьләрне судка кадәр карау системасын булдыру һәм тотылган акчаларны, әгәр шикаять нигезле дип танылса, ике көн эчендә кире кайтару.
• Товарлар карточкаларында маркировка кирәклеге турында тамга барлыкка киләчәк.
• Платформа офертасы шартларының үзгәрүе турында ким дигәндә 15 көн алдан кисәтергә тиешләр.
• Сатучы ризалыгыннан башка автоматик акцияләр һәм сатулар тыела.

Ярдәм чаралары:

• Хөкүмәт икътисадтагы структур үзгәрешләр планын һәм эшкуарлык эшчәнлеген алып баруны гадиләштерү чаралары планнарын (бизнес алып баруның максатчан шартларының милли моделен кертү кысаларында) гамәлгә ашырырга керешәчәк.
• Поручительлекләрнең “зонтик” механизмын һәм өстенлекле тармакларда кече һәм урта бизнесны ташламалы финанслау программаларын гамәлгә ашыру дәвам итәчәк.
• Эре заказчылар сатып алуларында катнашкан эшмәкәрләр өчен барлык преференцияләр дә сакланып калган.
• МСП.РФ кысаларында бизнесны үстерү өчен яңа сервислар һәм цифрлы инструментлар үсеш алачак.

Исегезгә төшерәбез, Татарстанда ТР Икътисад министрлыгы ведомство буйсынуындагы ярдәм институтлары белән берлектә эшкуарлык проектларына комплекслы ярдәм күрсәтә һәм акселерация ясый. Республика бизнесы һәм үзмәшгульләре файдалы шартларда микрозаймнар, гарантияләр, грантлар һәм милли проект буенча финанс булмаган хезмәтләр алырга мөмкин. 2025 елда төбәк бизнесына ярдәм итүгә 9 млрд сум юнәлдерелгән.