Татарстан бизнесы дәүләт гарантиясе астына 6,7 млрд сум җәлеп иткән

Татарстанда кече һәм урта эшкуарлык субъектлары 2025 елда дәүләт ярдәме ярдәмендә 6,7 млрд.сум заем акчалары алган.

Эшкуарларга Татарстан Республикасы Икътисад министрлыгы һәм аның ведомство буйсынуындагы үсеш институтлары тарафыннан "Нәтиҗәле һәм конкурентлы икътисад" илкүләм проекты буенча ярдәм күрсәтелде.

Республика Гарантия фонды тарафыннан 1,9 млрд.сумлык 280 поручительлек бирелгән, бу бизнеска отышлы шартларда 6,7 млрд.сум күләмендә заем акчаларын җәлеп итәргә ярдәм иткән, шул исәптән Эшкуарлыкка ярдәм итү төбәк фондында да.

Ярдәмне алучылар нигездә икътисадның реаль секторында эшчәнлек алып баралар – товарлар җитештерүдә (43,3%), хезмәтләр күрсәтүдә (26,4%), авыл хуҗалыгында (13,5%), шулай ук төзелештә (8,5%) һәм сәүдәдә (8 %).

Татарстан Республикасы Гарантия фонды заем финансларын (кредит, заем, лизинг, банк гарантиясе) рәсмиләштергәндә залог белән җитәрлек тәэмин ителмәгән эшкуарларга бер заемчыга 100 млн сумга кадәр һәм бәйле компанияләр төркеменә 120 млн сумга кадәр поручительлек бирә. Ярдәмне инвестиция максатларына һәм әйләнештән тыш акчаларга, шулай ук башка эшкуарлык максатларына – 70 млн сумга кадәр юнәлтергә мөмкин. 

Исегезгә төшерәбез, бизнесны үстерү буенча төбәк дәүләт институтлары Татарстан Икътисад министрлыгы ярдәмендә эшкуарлык проектларына комплекслы ярдәм күрсәтәләр. Республика эшкуарлары һәм үзмәшгульләре отышлы шартларда микрозаймнар, гарантияләр, грантлар һәм финанс булмаган хезмәтләр алырга мөмкин. 

Ярдәм итү чаралары турында мәгълүматны телефоннар аша: +7 (843) 293-16-94, +7 (903) 061-40-18, Бердәм элемтә үзәгендә: +7 (843) 524-90-90 телефоны буенча, шулай ук турыдан-туры ТР Гарантия фондына мөрәҗәгать итеп  алырга мөмкин.