Гарантияле ярдәм Татарстан җитештерүчесенә компания үсешенә 100 млн.сумга якын акча җәлеп итәргә ярдәм итте

Алабугадан лак-буяу материаллары җитештерүче кредит оешмаларыннан җитештерүне үстерүгә ташламалы шартларда заем акчаларының 97 млн.сумын җәлеп итә алды. Ярдәм Татарстан Республикасы Икътисад министрлыгы һәм аның ведомство буйсынуындагы үсеш институты тарафыннан күрсәтелде.

Фонд предприятиегә продуктлар кысаларында 45 млн.сумлык гарантияле ярдәм күрсәтте. 

Җәлеп ителгән акчаларны компания җитештерүне үстерүгә, аерым алганда ассортиментны арттыруга һәм җитештерү мәйданнарын киңәйтүгә юнәлдергән.

Шуны искәртик: кредитны залог белән тәэмин итү җитәрлек булмаса, эшкуарлар ТР Гарантия фонды ярдәменнән бер заемчыга 100 млн.сумга кадәр һәм бәйле компанияләр төркеменә 120 млн.сумга кадәр инвестиция максатларында һәм әйләнештән тыш акчаларга, башка максатларда 70 млн.сумга кадәр файдалана ала. Шул ук вакытта икътисадның өстенлекле тармакларында эшчәнлек алып баручы эшкуарлар өчен поручительлеккә түләү поручительлек суммасыннан еллык 1%, ә башка заемчылар өчен еллык 1,5% тәшкил итә.  

Эшкуарларга ярдәм «Нәтиҗәле һәм конкурентлы икътисад» илкүләм проекты буенча ТР Икътисад министрлыгы тарафыннан гамәлгә ашырыла. 

Гарантияле ярдәм алу шартлары буенча җентекле консультацияне +7(843)293-16-94, +7(903)061-40-18 телефоннары буенча алырга була. 

Татарстан бизнесына ярдәм чаралары буенча консультацияне Бердәм элемтә үзәге аша +7 (843) 524-90-90 телефоны буенча алырга мөмкин.