ВЭФ-2025 Ерак Көнчыгыш федераль университеты һәм Татарстан технопаркы арасында килешү имзаланды
Көнчыгыш икътисадый форумында (ВЭФ) «Ерак Көнчыгыш федераль университеты» федераль дәүләт автоном югары белем бирү учреждениесе һәм «Идея» инновация-җитештерү технопаркы» ябык акционерлык җәмгыяте арасында хезмәттәшлек турында килешү имзаланды. Имзалау республика делегациясен җитәкләүче Татарстан Республикасы Премьер-министры урынбасары – икътисад министры Мидхәт Шаһиәхмәтов катнашында узды.
Килешүнең предметы булып якларның фәнни-тикшеренү, мәгариф эшчәнлеге һәм технологик эшкуарлык өлкәсендә хезмәттәшлеге, шулай ук алдынгы инженерлык тәҗрибәсен куллану һәм фәнни эшләнмәләрне, шул исәптән уку процессына кертү тора.
Яклар килешү кысаларында түбәндәге юнәлешләр буенча хезмәттәшлек итәргә ниятли:
– уртак эксперименталь эшләнмәләр, фәнни тикшеренүләр, фәнни-тикшеренү һәм тәҗрибә-конструкторлык эшләре үткәрү;
– әзерлекнең профильле юнәлешләре буенча уртак белем бирү проектларын, программаларын, модульләрен һәм курсларын эшләү һәм гамәлгә ашыру;
– Ерак Көнчыгыш федераль университеты студентларының «Идея» ИҖТ» ЯАҖдә һәм «Идея» ИҖТ» ЯАҖ резидент компанияләрендә җитештерү, диплом алды һәм фәнни-тикшеренү практикалары узуын оештыру;
– уздырыла торган аеруча әһәмиятле һәм үзара кызыксыну уята торган эшлекле киңәшмәләрдә, семинарларда, конференцияләрдә һәм башка фәнни чараларда катнашу өчен башка як вәкилләрен җәлеп итү;
– үзара кызыксыну уятучы эшчәнлекне популярлаштыруга һәм студентларны җәлеп итүгә юнәлдерелгән уртак белем бирү һәм фәнни-техник чараларны оештыру, үткәрү һәм мәгълүмати тәэмин итү;
– якларның компетенциясе өлкәсендә аналитик мәгълүматлар алмашу.
Килешү 5 елга имзалана.
3 сентябрьдән 6 сентябрьгә кадәр Владивостокта унынчы, юбилейлы ВЭФ уза, аны Ерак Көнчыгыш федераль университеты башкаласында 2015 елдан бирле үткәрәләр. Чара макротөбәккә инвестицияләр һәм кадрлар җәлеп итүгә, бизнес һәм дәүләт хезмәттәшлегенә, эш һәм ял өчен инфраструктураны үстерүгә кагылышлы темалар буенча фикер алышуны күздә тота.