Татарстан Республикасы Премьер-министры урынбасары – Татарстан Республикасы икътисад министры Владивостокта X Көнчыгыш икътисад форумында катнаша
Татарстан делегациясе составына Татарстанның икътисад үсеше, халыкара хезмәттәшлек һәм инновацияләр өчен җаваплы төп структуралары вәкилләре: ТР Икътисад министрлыгы, Инвестиция үсеше агентлыгының Халыкара программалар дирекциясе, Бөтендөнья татар конгрессы һәм „Идея“ инновацион технопаркы җитәкчелеге керде.
Визитның төп чаралары:
Форум кысаларында Татарстан делегациясе Россия Федерациясе Дәүләт Советының «Инвестицияләр» юнәлеше буенча комиссиясе утырышында, шулай ук Россиянең эшлекле климатын яхшыртуның һәм төбәкләрнең инвестицион үсешенең илкүләм моделенә багышланган чараларда катнашачак. Визит программасында түбәндәгеләр планлаштырылган:
- Кече һәм урта эшкуарлыкны үстерүгә һәм КУЭ корпорациясе тарафыннан гамәлгә ашырыла торган кооперациягә багышланган форум чараларында катнашу;
- Татарстанда проектларны гамәлгә ашыру мәсьәләләре буенча компанияләр һәм оешмалар белән очрашулар, шулай ук ислам дөньясы илләре вәкилләре белән очрашулар, аларда ислам финанславы мәсьәләләре каралачак;
- «Идея» инновацион технопаркы һәм Ерак Көнчыгыш федераль университеты арасында хезмәттәшлек турында килешүгә имза салу. Яклар инновацияләр, югары технологияләр һәм илкүләм проектларны гамәлгә ашыру өлкәсендәге уртак проектлар турында фикер алышачак.
Ерак Көнчыгышның терәк югары уку йорты булган, заманча белем бирү һәм фәнни практикаларны гамәлгә кертүче Ерак Көнчыгыш федераль университеты эшчәнлеге белән танышу планлаштырылган. Ясалма интеллект өлкәсендәге тикшеренүләрне үстерүгә аерым игътибар биреләчәк, шул исәптән Сбер белән берлектә төзелгән Ерак Көнчыгыш ЯИ үзәге эшенә дә.