Казанда «РОСТКИ» халыкара бизнес-форумында инновацияләр һәм цифрлаштыру турында дискуссияләр булачак
2025 елның 18 августында «РОСТКИ»: Россия һәм Кытай — үзара файдалы хезмәттәшлек» III халыкара форумында интеллектуаль милек, фән һәм инновацияләр өлкәсендә халыкара хезмәттәшлек перспективаларына багышланган түгәрәк өстәл узачак.
Дискуссияне Татарстан Республикасы Икътисад министрлыгы ярдәмендә «Татарстан Республикасы фәнни-техник мәгълүмат үзәге» ДАУ оештыра.
«РОСТКИ» форумы ике илнең гамәли хезмәттәшлегенең актуаль мәсьәләләре буенча фикер алышу өчен абруйлы мәйданчык булып тора, ул уртак производстволар булдыруга, яңа инвестиция проектларын гамәлгә ашыруга, эшлекле, мәдәни һәм спорт багланышларын көчәйтүгә ярдәм итә.
Түгәрәк өстәлнең төп темалары:
- Фәнни-техник һәм инновация өлкәсендә илләрнең үзара хезмәттәшлеге;
- Чит илләрдә технологияләрне саклауның һәм коммерцияләштерүнең хокукый аспектлары;
- Ясалма интеллект кулланып, интеллектуаль милек объектларын яклау;
- Россия һәм Татарстан продукциясен сатуда дәүләт ярдәме чаралары;
- Кытайда Россия компанияләренең югары технологияле производствосын оештыру тәҗрибәсе;
- Татарстан Республикасы финанс оешмаларыннан файдаланып, үзара исәп-хисап мәсьәләләре.
Катнашуга чакырылганнар:
- Халыкара экспертлар;
- Федераль регуляторлар һәм үсеш институтлары вәкилләре;
- Технологияләргә һәм инновацияләргә ярдәм итү үзәкләре җитәкчеләре;
- Татарстанның алдынгы инженерлык мәктәпләре һәм югары уку йортлары хезмәткәрләре;
- Фән һәм бизнес вәкилләре.
Түгәрәк өстәл модераторы – Савва Арсен Владимирович, «Татарстан Республикасы фәнни-техник мәгълүмат үзәге» ДАУ директоры.
Үткәрү вакыты һәм урыны: 13:00, «Казан Экспо» ХКҮЦ (Зур Кабан авылы, Күргәзмә ур., 1 нче бина, 2 нче зал).
Шулай ук форум кысаларында «РЕБУС 2025: цифрлаштыру. Цифрлаштыра» сессиясе дә узачак, ул цифрлаштыруны үстерүгә инвестицияләргә багышланган (https://rebusforum.ru/session8). Аның модераторы Татарстан Республикасы Икътисад министрлыгының инвестицион климатны үстерү бүлеге башлыгы Элина Җиһанова булачак.