Татарстан эшкуарларын «БИЗНЕС МАСШТАБ» форумында катнашырга чакыралар

13 августта Казанда Эшкуар йортында ярдәм институтлары вәкилләре белән бер мәйданчыкта чара узачак. Татарстан бизнесы хакимият, банклар вәкилләренә һәм төрле өлкәләрдән топ-экспертларга сораулар бирә алачак.

«БИЗНЕС МАСШТАБ» форумы Татарстан Республикасы Икътисад министрлыгы һәм аның ведомство буйсынуындагы институтлар ярдәмендә оештырылды. Чара түләүсез һәм ачык диалог мәйданчыгы булып тора, анда эшкуарлар үзләрен кызыксындырган сорауларны төрле институтлар, финанс учреждениеләре вәкилләренә һәм шулай ук ачык диалог форматында экспертларга бирә ала. 

Барлык фикерләр һәм тәкъдимнәр дә кертеләчәк, эшкәртеләчәк һәм тиешле закон чыгару һәм башкарма органнарга җиткереләчәк. Тәкъдимнәр керткән яки проблемаларны белдергән һәр актив катнашучы рәхмәт хатлары яки грамоталар алачак.

Чараның программасы:

Пленар сессия (10:00-12:00). 

Темалар: ярдәм чаралары, чит ил инвестицияләре, аудит, бизнесны масштаблаштыру, финанслау базарында яңа трендлар һәм башкалар.

Спикерлар: Икътисад министрлыгы, Сбер, Альфа-Банк һәм башкалар.

Нетворкинг-төшке аш (12:00-13:00)

Түгәрәк өстәлләр (13:00-15:00)

Темалар: финанслар, салымнар, грантлар, бизнесны киңәйтү, катнашучылардан сораулар блогы.

Бүләкләр уйнату (15:00-15:30)

Чара 10:00 сәгатьтә Казан, Петербург ур., 28 адресы буенча офлайн һәм онлайн форматта старт ала. Катнашу өчен  www.businessmashtab.ru сайтында бушлай теркәлергә мөмкин.