Татарстан экспортерлары Идел буе федераль округында «Ел экспортеры-2025» премиясенең берничә номинациясе лауреатлары булды
«Ел экспортеры-2025» Бөтенроссия премиясе нәтиҗәләре буенча Идел буе федераль округында конкурста Татарстан Республикасыннан 5 экспорт юнәлешле компания җиңүче булды.
Бердәм округ конкурс комиссиясе җиңүчеләрне билгеләде — 2024 ел нәтиҗәләре буенча чимал булмаган энергетик булмаган товарлар һәм хезмәтләр экспортында шактый уңышларга ирешкән компанияләр. Округта барлыгы 47 оешма һәм шәхси эшкуар лауреат булды. Идел буе федераль округы буенча конкурсның беренче этабында җиңүчеләрне һәм призерларны бүләкләү тантанасы 27 августта Чабаксарда узачак.
Округ этабында җиңүчеләр арасында Татарстаннан 5 компания бар, алар 7 номинация буенча лауреат булдылар:
«Ел трейдеры» (эре бизнес) номинациясендә беренче урынны азык-төлек продуктларын экспортлаучы «ПродЭкс» ҖЧҖ компаниясе алды. Шулай ук компания «Яңа география» номинациясендә дә җиңде.
«Хезмәтләр өлкәсендә ел экспортеры» номинациясендә икенче урынны «Барс Профи» ҖЧҖ логистика компаниясе алды.
«Иң яхшы хатын-кыз экспортер» номинациясендә (эре бизнес) беренче урынны «Нәфис Косметикс» АҖ генераль директоры Лаврикова Динә алды. Компания көнкүреш химиясе, косметика чаралары, глицерин һәм стеарин экспортлый.
Иң яхшы яшь эшкуар-экспортер булып «Барс Профи» ҖЧҖ директоры Камил Галиев танылды.
«АЛЬТЕРНАТИВА+» ҖЧҖ ике версия буенча лауреат булды, «Ел ачышы» номинациясендә икенче һәм «Ел трейдеры» (КУЭ) номинациясендә өченче урынны алды.
Конкурс комиссиясе составына федераль министрлыклар, Россия экспорт үзәге (РЭҮ, ВЭБ төркеме), ВЭБ.РФ, «Илкүләм приоритетлар» АКО һәм эшкуарлык берләшмәләре вәкилләре кергән. Конкурс «Халыкара кооперация һәм экспорт» илкүләм проекты буенча Россия Сәнәгать һәм сәүдә министрлыгы, Россия Икътисадый үсеш министрлыгы һәм Россия Авыл хуҗалыгы министрлыгы ярдәмендә үткәрелә.
Исегезгә төшерәбез, «Ел экспортеры» Бөтенроссия конкурсының төбәк этабы 2025 елның 28 маенда Казан Эшкуар йортында узды, анда 13 номинациядә җиңүчеләр билгеләнде.