ТР Икътисад министрлыгы ветераннары сугыш елларында балачак турында сөйләделәр
Җиңүнең 80 еллыгы алдыннан Татарстан Республикасы Икътисад министрлыгында балачагы һәм яшьлеге Бөек Ватан сугышы елларына туры килгән ведомство ветераннары белән очрашу узды.
Алар сугышны балачакта кичереп, соңыннан хезмәт тормышларын илебез икътисадын үстерүгә багышлаган кешеләр.
Алар – авыр сынауларга карамастан, бөек держава төзи һәм илнең заманча икътисадый системасына нигез сала алган тарихның тере шаһитлары.
Ветераннар хезмәт көннәре, сугыш вакытында балачакларының ничек үтүе турындагы хатирәләре белән уртаклаштылар. Аларның һәркайсы фронтка әтисен яки якын туганын озаткан – һәркайсының үз тарихы.
Мондый очрашулар халык батырлыгының масштабын һәм тыныч тормышның кыйммәтен чын-чынлап аңларга ярдәм итә. Сугышны кичергән кешеләрнең тере тарихларын тыңлаганда, алдагы буыннарның ни өчен хезмәт иткәннәрен аңлыйсың.
Очрашу азагында ветераннарга истәлекле бүләкләр тапшырдылар. Ә шәхсән катнаша алмаганнарның өйләрендә булдылар.
2011 елдан ТР вице-премьеры – ТР икътисад министры Мидхәт Шаһиәхмәтов ярдәме белән Министрлыкта Ветераннар советы оештырылды, аның рәисе Голицина Людмила Александровна, ул Министрлыкта эшләүгә 29 ел гомерен багышлаган. Совет органның юбилей һәм истәлекле даталарын үткәрүне оештыру инициативасы белән чыга һәм анда катнаша, шулай ук ветераннар белән өзлексез элемтәдә тора.
Безнең бурыч – халыкның батырлыгы турындагы истәлекне саклау һәм аны киләсе буыннарга тапшыру. Заманнарның бу бәйләнеше безнең милли тәңгәллекнең нигезе булып тора да инде.