Татарстанның туризм тармагы эшкуарлары КУЭ ярдәмендә бизнесны үстерүгә 0,5 млрд сумнан артык акча җәлеп иткән
Туристлык тармагыннан кече һәм урта бизнес 2024 ел нәтиҗәләре буенча КУЭ корпорациясенең бүлендек оешмасы булган МСП Банк ярдәмендә эшкуарлык эшчәнлеген үстерүгә 3,1 млрд сум җәлеп иткән. Бу 2023 ел нәтиҗәләренә караганда ике тапкырга диярлек күбрәк. Җәлеп ителгән финанслар күләме буенча лидер төбәкләр арасында Мәскәү (якынча 1,4 млрд.сум), Татарстан Республикасы (507 млн.сум), Самара өлкәсе (176 млн.сум), Свердловск өлкәсе (172 млн.сум).
«Эчке туризмны үстерү кече һәм урта бизнес катнашыннан башка мөмкин түгел. Бүген МСП.РФ цифрлы платформасыннан файдаланучыларга федераль һәм төбәк дәрәҗәсендәге бу тармак өчен 70тән артык финанс һәм финанс булмаган ярдәм чаралары бар. Үсешнең иң кирәкле финанс механизмнарының берсе булып кунакханәләр төзү һәм модернизацияләүдә махсуслашкан КУЭ компанияләре өчен «зонт»лы поручительлекләр тора. Бу механизм банк кредитын алу процедурасын гадиләштерә, чөнки куркынычларның бер өлешен Корпорация үз өстенә ала», – дип шәрехләде КУЭ корпорациясе генераль директоры, МСП Банкның Күзәтчелек советы рәисе Александр Исаевич.
«МСП Банк кредитлары линейкасында зур суммаларга зур инвестиция проектлары өчен программалар да, шулай ук акча «моментта» кирәк булган хәлләр өчен экспресс-кредитлар да бар, мәсәлән, туристлык сезоны пигында. Безнең бурыч – туриндустрия бизнесының заем финансларына ихтыяҗын тулысынча ябу, бу юнәлешнең үзенчәлеген исәпкә алу. Нәкъ менә шуңа күрә узган ел без гаризалар бирү һәм скоринг цифрлы сервисларын үстерүгә аерым басым ясадык. Хәзер заявка автоматлаштырылган анализ уза һәм эшкуарга шартлар буенча иң отышлы вариант тәкъдим ителә, бу исә бирү күләмен генә түгел, ярдәм алучылар санын да арттырырга мөмкинлек бирде», - дип сөйләде МСП Банк идарәсе рәисе Иван Подберезняк.
МСП Банк ярдәме белән гамәлгә ашырыла торган туризм өлкәсендәге проектларның күбесе кунакханәләр төзү һәм реконструкцияләү, ресторан бизнесын үстерү белән бәйле, шулай ук спорт һәм күңел ачу ялын оештыруга да карый.