Татарстан Рәсәй төбәкләренең инновацион үсеше рейтингында 2 нче урында
Югары икътисад мәктәбе (НИУ ВШЭ) РФ субъектларының инновацион үсешенең еллык рейтингын тәкъдим итте - Татарстан Республикасы икенче урынны алды. Лидерлар өчлегенә шулай ук Мәскәү һәм Томск өлкәсе дә кергән.
Төбәкләр рәтләнгән җыелма индекс 55 күрсәткеч буенча биш тематик блокта формалаштырылган: инновацион эшчәнлекнең социаль-икътисадый шартлары, фәнни-техник потенциал, инновацион эшчәнлек, экспорт активлыгы һәм инновацион сәясәт сыйфаты.
Татарстан «Инновацион эшчәнлек» индексы буенча абсолют лидер булды: югары позицияләр төбәктә инновацион бизнесның активлыгы һәм нәтиҗәлелеге белән тәэмин ителгән.
Моннан тыш, республика «Инновацион сәясәт сыйфаты» индексы буенча беренче урынны алды. Бу законнар базасын камилләштерү, инновацияләргә ярдәм итү инфраструктурасын үстерү һәм федераль программаларда актив катнашу кебек системалы эш нәтиҗәсендә мөмкин булды.