Экспертлар советы Россиядә законнардагы үзгәрешләрне һәм партнерлык финансларын үстерүне карады
2025 елның 6 мартында Россия Федерациясе Хөкүмәте каршында партнерлык финанслары буенча эшчәнлек өчен шартлар тудыруга юнәлдерелгән махсус җайга салуны билгеләү буенча эксперимент үткәрү буенча Экспертлар советының дүртенче утырышы булды.
Көн тәртибенә партнерлык финансларын үстерүнең агымдагы статусы турында фикер алышу кертелгән иде. Шулай ук гамәлдәге закон актларына үзгәрешләр кертү турында федераль закон проектына, шулай ук махсус җайга салу шартларында партнерлык финансларын үстерү буенча чаралар планына да үзәк игътибар бирелде.
Утырыш азагында йомгаклар ясалды һәм киләчәккә планнар билгеләнде.
Татарстан Республикасыннан Татарстан Республикасы Премьер-министры урынбасары — Татарстан Республикасы икътисад министры Мидхәт Шаһиәхмәтов, шулай ук банк секторы вәкилләре, руханилар һәм базарда катнашучылар — Экспертлар советы әгъзалары катнашты.
Утырышта Россия икътисады үсеше өчен мөһим булган партнерлык финанслары инициативаларын гамәлгә ашыру мөмкинлекләре һәм чакырулары турында фикер алыштылар.
Мидхәт Шаһиәхмәтов партнерлык финанслары стандартларын эшләүнең мөһимлеген, шул исәптән инвестицияләр җәлеп итү инструментларын стандартлаштыру өлешендә, шулай ук партнерлык финанслары буенча гамәлдәге 04.08.2023 ел, №417-ФЗ федераль законга үзгәрешләрне оператив кабул итү кирәклеген ассызыклады.