Татарстан эшкуарларын җитештерелә торган продукцияне китерү каналларын киңәйтү буенча субъектларга ярдәм чаралары белән таныштырдылар
2025 елның 6 мартында Татарстан Республикасы Премьер-министры урынбасары – Татарстан Республикасы икътисад министры Мидхәт Рәфкать улы Шаһиәхмәтов эш визиты белән республиканың Әтнә муниципаль районында булды.
Шулай ук сәфәр кысаларында районның эшкуарлар җәмгыяте белән очрашу узды, анда Мидхәт Шаһиәхмәтов сәламләү сүзе белән чыгыш ясады. Ул республика икътисады өчен кече һәм урта эшкуарлыкны үстерүнең мөһимлеген ассызыклады һәм Татарстан җитештерүчеләре продукциясен алга җибәрү буенча республика маркетинг үзәге инициативалары турында сөйләде. «Бүгенге чара КУЭ субъектларына җитештерелә торган продукцияне китерү каналларын киңәйтү һәм сату базарларын үстерү юнәлешендә эшләп килүче республикадагы төп инструмент – Республика маркетинг үзәге ярдәмендә аның конкурентлык сәләтен арттыру мәсьәләләре буенча комплекслы ярдәм күрсәтү максатында оештырылды, – дип билгеләде спикер.
Чара барышында Татарстан Республикасы Дәүләт заказы агентлыгы генераль директоры Яков Геллер эшкуарларны Республика маркетинг үзәгенең мөмкинлекләре белән таныштырды, аның идеологиясе бизнес активлыгына ярдәм итү, базарларга җирле тәэмин итүчеләрне чыгару, импортны алмаштыру һәм бюджет чыгымнарын оптимальләштерүдән гыйбарәт. Шулай ук ул үзәкнең 2025 елга планнарын билгеләде, шуларның берсе «Экспортка ярдәм итү» яңа ресурсын булдыру һәм кертү булачак.«Экспортка ярдәм итү»
Татарстан Республикасы Икътисад министрлыгының эшкуарлыкны үстерү департаменты директоры урынбасары Эмиль Хисмәтов КУЭ өчен дәүләт ярдәме чаралары турында җентекләп сөйләде.
Бизнес вәкилләре белән очрашулардан тыш, Мидхәт Шаһиәхмәтовның визиты районда эшкуарлыкны үстерүгә ярдәм итү һәм предприятиеләр арасында кооперация элемтәләрен киңәйтү аша халыкның мәшгульлеген арттыру мәсьәләләре буенча фикер алышуга юнәлдерелгән иде. Ахырда ул төбәк эшкуарларын дәүләт тарафыннан күрсәтелгән ярдәм чараларын активрак кулланырга өндәде һәм очрашуда катнашучыларга актив катнашулары өчен рәхмәт белдерде.