2024 ел йомгаклары буенча Татарстан онлайн-сатучылары саны 13% диярлек арткан

Министрлыкның киң вәкиллекле йомгаклау утырышында Татарстан Премьер-министры урынбасары – икътисад министры Мидхәт Шаһиәхмәтов әнә шундый мәгълүматлар китерде. 

«Бизнесның сыйфатлы үсеше өчен өстенлекле юнәлешләрнең берсе – сату базарларын киңәйтү, шул исәптән дустанә тышкы базарларга чыгу исәбенә дә. Слайд – Интернет-сәүдәне үстерү», – дип хәбәр итте Вице-премьер. 

Онлайн-сәүдә КУЭ сату базарларын киңәйтүнең нәтиҗәле коралы булып тора. 

2024 ел нәтиҗәләре буенча Татарстан онлайн-сатучылары саны 13% диярлек арткан һәм 68 мең тәшкил иткән. Ел нәтиҗәләре буенча тәэмин итүчеләрнең кереме якынча 70 млрд.сум тәшкил иткән. 

Министр билгеләп үткәнчә, район башлыкларына һәм тармак министрлыкларына төзелгән эшне дәвам итәргә кирәк, шул исәптән интернет-сәүдәне үстерүнең тиешле программасын гамәлгә ашыру кысаларында да.

Исегезгә төшерәбез, интернет-сәүдәне үстерү программасы инфраструктура һәм логистика үсеше, алга җибәрү, популярлаштыру, тышкы икътисадый эшчәнлек, мәгариф кебек мәсьәләләргә дә кагыла. 

Татарстан Россиянең бу тармакны үстерү программасы гамәлгә ашырыла торган беренче төбәге булды.