Илкүләм проектлар. 2025-2030: Татарстан ритм бирә
27-29 ноябрьдә Мәскәүдә Россия Федерациясе Хөкүмәтенең Проект эшчәнлеге департаменты тарафыннан РАНХиГСның проект менеджменты фәнни-мәгариф үзәге һәм Россия Федерациясе Хөкүмәте каршындагы Аналитик үзәк белән берлектә оештырылган «Илкүләм проектлар 2025-2030» стратегик сессиясе узды.
Бу мөһим чарада ведомство һәм төбәк проект офислары җитәкчеләре җыелды, алар яңа илкүләм проектларны эшләү һәм гамәлгә ашыруның актуаль мәсьәләләре турында фикер алыштылар. Конференциядә катнашучылар игътибарны илебез территориясендәге барлык илкүләм проектларда катнашучыларның нәтиҗәләрне мониторинглауга һәм тикшереп торуга, куркынычлар белән эшләүгә һәм ведомствоара хезмәттәшлегенә юнәлттеләр.
Татарстан Республикасы илкүләм проектлар буенча төзелә һәм ремонтлана торган объектлар саны буенча төбәкләр арасында лидер булып тора (1000 нән артык). Төбәк проект офислары эшенең мөһим юнәлешләреннән берсе булып халыкта «Россиянең илкүләм проектлары» брендының танылу дәрәҗәсен арттыру максатларында объектларны брендлауны гамәлгә ашыруны координацияләү тора.
Республикада объектларның 90% өлеше брендлаштырылган һәм Татарстан Республикасы төбәк проект офисының иң яхшы хезмәткәре итеп ирешелгән нәтиҗәләр өчен Татарстан Республикасы Икътисад министрлыгының дәүләт мәгълүмат системалары белән эшләү бүлегенең әйдәп баручы киңәшчесе Марат Зәйнуллин танылды. Бу, һичшиксез, безнең тизлекне һәм үсешкә инновацион якын килүебезне ассызыклый. 2024 елда иң күп объектлар "Сәламәтлек саклау" илкүләм проекты буенча төзелгән/реконструкцияләнгән.
Без ышанабыз, мондый стратегик инициативаларда катнашу гражданнарның тормыш сыйфатын яхшыртуга гына түгел, ә безнең төбәкнең тотрыклы үсеше өчен дә яңа мөмкинлекләр тудыра.
Татарстан Республикасы илкүләм проектларны гамәлгә ашыруда югары стандартлар күрсәтүен дәвам итә һәм илнең киләчәген формалаштыруда актив катнаша. Бергәләп без куелган максатларга ирешә алачакбыз һәм төбәгебезне тагын да уңайлырак итеп, аны үстерә алачакбыз.