Татарстан эшкуарлары интернет-рекламага бонуслар алырга мөмкин
«Мой бизнес — мои возможности» АКО, Россия Икътисадый үсеш министрлыгы һәм «Яндекс Директ» ярдәмендә, кече һәм урта бизнеска ярдәм итү буенча уртак программаны башлап җибәрә: республика эшкуарлары «Яндекс Директ»та беренче реклама кампаниясенә 7 мең сум алырга мөмкин.
Программаның максаты – эшкуарларга интернетта үз бизнесын җәелдерүне башлап җибәрергә һәм брендның танылуын арттырырга ярдәм итү.
«Интернет-реклама – бүген бизнес үсешенең иң нәтиҗәле инструментларының берсе. Бу хакта күптән түгел узган тикшеренү нәтиҗәләре сөйли: КУЭ 82%ы социаль челтәрләрдә бизнес алып бара, 16%ы белгечләр хезмәтләренә мөрәҗәгать итә. Күпчелек эшкуарлар мәйданчыкларның түләүле функционалын куллана», – дип аңлата Россия икътисадый үсеш министры урынбасары Татьяна Илюшникова.
Интернет-рекламаның ихтыяҗын НАФИ тикшеренүе дә раслый: эшкуарларның 90%ы бу инструментны офлайн-алга этәрүгә караганда нәтиҗәлерәк дип саный. Интернет-реклама өстенлекләре арасында респондентлар параметрларны, нәтиҗәлелекне һәм югары аклануны, гадилекне һәм тиз эшләтеп җибәрүне мөстәкыйль рәвештә күзәтү мөмкинлеген атаган. Санлы реклама инструментларының һәр унынчы кулланучысы - реклама мәйданчыклары белән эшләү тәҗрибәсе өч айдан артмган яңа кеше.
Тәкъдимнән файдалану өчен эшкуарга партнер программасы битендә заявка калдырырга кирәк. «Яндекс Директ» менеджеры катнашучы белән элемтәгә керәчәк, киңәшләшәчәк, беренче кампанияне җайга салырга ярдәм итәчәк һәм сервиста реклама җибәрүгә 7 мең сумлык промокод җибәрәчәк.
Программа 2024 елның 27 декабренә кадәр дәвам итәчәк. Анда юридик затлар, шәхси эшкуарлар һәм үзмәшгульләр катнаша ала. Реклама кампаниясен эшләтеп җибәрүгә бонусны «Яндекс Директ»та һәм сервиста бер елдан артык элек реклама биргән кешеләр генә алырга мөмкин. Тәкъдим реклама кампаниясенең минималь бюджеты вакытында 14 мең сумнан гамәлдә.
Татарстанда программа «Кече һәм урта эшкуарлык» илкүләм проекты кысаларында гамәлдә булган «Минем бизнес» үзәге базасында гамәлгә ашырыла. Партнерлык программалары операторы – «Минем бизнес – минем мөмкинлекләр» илкүләм эшкуарлыкны үстерү агентлыгы («Минем бизнес» берләшмәсе).