Татарстан Республикасы эшкуарлары өчен үз эшләрен үстерүдә партнерлык программалары бар

Татарстан Республикасы Икътисад министрлыгы ярдәме белән Татарстан Республикасы Эшкуарлыкка ярдәм фондының «Минем бизнес» үзәге «Кече һәм урта эшкуарлык» илкүләм проекты кысаларында бизнес өчен бушлай партнерлык хезмәтләрен күрсәтүгә гаризалар кабул итә башлады.

Эшкуарлар һәм үзмәшгульләр түбәндәге программаларда катнаша ала.

1. Халык-сәнгать һөнәрләре осталары өчен «Осталар ярминкәсе - Livemaster» программасы. Катнашучылар «Осталар ярминкәсе – Livemaster» платформасында кибетне алга этәрү өчен бушлай купоннан файдалана алалар

Акция 2024 елның 25 октябренә кадәр дәвам итәчәк

КУЭ субъектлары өчен: хезмәт күрсәтү кысаларында 1 «Мини» пакеты тәкъдим ителә, ул «Осталар ярминкәсе – Livemaster» платформасында «Каталог»ның өске юлларына 30 адым «күтәрүне» үз эченә ала.

Үзмәшгульләр өчен: хезмәт күрсәтү кысаларында 1 промокод күрсәтелә, ул 7 көн дәвамында «Осталар ярминкәсе – Livemaster» платформасында «Каталог»ның югары юлларына 1 адым «күтәрелүне» үз эченә ала.

Программада яңа кулланучылар яки «Осталар ярминкәсе – Livemaster» платформасында 1 елдан артык актив булмаган аккаунтлы кулланучылар каталог категорияләренең теләсә кайсысында катнаша ала

Акциядә ничек катнашырга?

1. Конкурста катнашуга заявканы Осталар ярминкәсе - Livemaster сайтында бир (https://www.livemaster.ru/landings/mastergoda2024?utm_source=media&utm_medium=article&utm_campaign=konkurs)

2. ТР «Минем бизнес» үзәгенә МСП.РФ цифрлы платформасында гариза бир (https://xn--l1agf.xn--p1ai/)

3. Җавап хатында үз товарыңны каталогта күтәрү өчен бушлай промокод яки «Мини» пакетын ал.

2. РФ Икътисадый үсеш министрлыгы «Авито Услуги» һәм «Авито Товары» платформасы белән берлектә «Мой бизнес» үзәкләре базасында эшкуарларны алга җибәрү программасын эшләтеп җибәрде. Алар алга этәрү хезмәтләрен сатып алганда бонуслар алачак һәм яңа клиентлар җәлеп итә алачак.

Акция 2024 ел ахырына кадәр дәвам итәчәк

Әгәр дә сез «Товарлар» яки «Хезмәтләр» өлкәсендәге эшкуар һәм элегрәк Авитодан файдаланмаган булсагыз, Авитодагы реквизитлар буенча тикшерү узганнан соң һәм акциядә катнашуга гариза биргәннән соң 1 000 сәламләү бонусы алачаксыз, бу бонусларны сезнең белдерүләрегезне этәрү хезмәтләренең 99% өлешен түләүгә тотарга мөмкин.

Ә актив булмаган аккаунтлы кулланучылар 6 айдан артык 9 000 бонус күләмендә бер тапкыр бирелә торган түләү алырга мөмкин, моның өчен 3 000 сумнан башлап теләсә нинди хезмәт күрсәтүгә, тарифларга яки Авитога белдерүләр урнаштыруга сарыф итәргә кирәк. 1 бонус = 1 сум.

Бонусларның гамәлдә булу вакыты Авито янчыгына күчерелгәннән соң 30 көн тәшкил итә.

Хезмәттән файдалану өчен, МСП.РФ цифрлы платформасында ТР «Минем бизнес» үзәгенә гариза калдырырга кирәк (https://xn--l1agf.xn--p1ai/services/support/tatarstan/7452/?companyId=-1&v=2&fromFilter=true), шуннан соң җавап хатында сез алга таба эш итү өчен аңлатма алачаксыз.

Программада яңа кулланучылар яки 6 айдан артык актив булмаган аккаунтлы кулланучылар катнаша ала. Ярдәм КУЭ субъектлары һәм үзмәшгуль гражданнар өчен мөмкин.

Партнерлык программалары «Кече һәм урта эшкуарлык» илкүләм проекты кысаларында эшләп килүче «Минем бизнес» үзәкләре базасында гамәлгә ашырыла

Мой бизнес | Республика Татарстан Telegram-каналында иң әһәмиятлесен күзәтегез, ә (https://t.me/dom_pred_fpp_rt) шулай ук безне «Дзен» аша да укыгыз (https://dzen.ru/dom_pred)