Эшкуарлар гозере буенча Татарстанда «Маркетологлар мәктәбе» торгызыла

«Минем бизнес» үзәге маркетинг буенча белем бирү чаралары сериясен яңарта. 11 сентябрьдә «Кече һәм урта эшкуарлык» илкүләм проекты буенча «Сатуга фокус» ачык мастер-классы узачак.

«Минем бизнес» үзәгендә беренче курсның агымдагы ел башында уздырулары турында хәбәр иттеләр. Ул вакытта белем бирү модульләре тематикасы сатудагы хаталарга, клиентларны җәлеп итү һәм тотып калу алымнарына, сатуларның продуктив «бүрәнкәләренә» багышланган иде һәм катнашучылардан яхшы җавап алды. 

Бу онлайн мастер-классның темасы шулай ук сату булачак. Ул брендның танылуын арттыруга, шулай ук бер елга маркетинг планын эшләүгә һәм маркетинг планын һәм стратегиясен гамәлгә ашыру хисабына сатуларны арттыруга багышланачак. 

Реклама буенча очрашуларны алып баручы – эшкуар һәм маркетолог Диләрә Фәтхуллина.

Киләсе мастер-класс 25 сентябрьдә узачак. 

Катнашу бушлай, һәр мастер-класска МСП.РФ цифрлы платформасында «Бизнеска ярдәм чаралары» бүлегендә теркәлү кирәк, аннан соң «Минем бизнес» үзәге үткәргән укыту чараларына язылу» хезмәтен сайларга кирәк. 

Татарстанда укыту чаралары РФ Президенты  Владимир Путин инициативасы белән оештырылган «Кече һәм урта эшкуарлык» илкүләм проектын гамәлгә ашыру кысаларында үткәрелә.