Татарстанның яшь эшкуарлары «СтарТех»та катнашуга чакырыла

«Алабуга» махсус икътисадый зонасында 2024 елның 13-18 октябрендә яшь эшкуарлар өчен технологияләр өлкәсендә «СтартТех» проекты (алда – Проект) узачак. 

Проект үзебезнең брендларның танылуына ярдәм итүгә, чит илдә илнең уңай эшкуарлык имиджын булдыруга, Россиянең технологик стартап-проектлары санын арттыруны стимуллаштыруга, тулаем Россия Федерациясенең дә, шулай ук Россиянең аерым регионнарының да туристик һәм инвестицион потенциалын үстерүгә юнәлдерелгән. 

Проектта катнашу ике трек буенча гамәлгә ашырылачак: 

– «Таныштыру» трегы – эшкуарлык эшчәнлеген гамәлгә ашыру белән кызыксынган 14 яшьтән 35 яшькә кадәрге яшьләр өчен; 

– «Гамәл» трегы – 18 яшьтән 35 яшькә кадәрге яшь эшкуарлар өчен, аларның һәркайсы түбәндәге критерийларның берсенә туры килергә тиеш: Россия Федерациясе законнарында билгеләнгән тәртиптә теркәлгән шәхси эшкуар; Россия Федерациясе законнарында билгеләнгән тәртиптә теркәлгән юридик затны гамәлгә куючы/акционер;  Россия Федерациясе законнарында билгеләнгән тәртиптә теркәлгән, һөнәри керемгә салым түләүче зат (үзмәшгуль). 

Проектны гамәлгә ашыру барышында катнашучылар командалары,  аларны киләчәктә компания эшчәнлегенә кертү өчен, партнер предприятиеләрдән бизнес-кейслар хәл итәчәкләр. 

Катнашу өчен 2024 елның 13 сентябрендә 23.59 сәг. кадәр (Мәскәү вакыты белән) «Интернет» мәгълүмат-телекоммуникация челтәрендә «Росмолодежь.Бизнес»  IT-платформасында Проектта катнашу өчен гариза бирергә кирәк (https://rosmolbusiness.ru/events/1f9098e3-22dd-4677-8595-b7865cb7dba4).