«Сбер» Татарстан проекты булган шәригать нормалары буенча корпоратив клиентның әйләнештәге капиталын беренче булып финанслады
«Сбер» Россия Федерациясендә Татарстан Республикасы проекты өчен Кард-Әл-Хәсән продукты буенча беренче килешү төзеде, ул бизнеска банктан шәригать нормаларына тулысынча туры китереп әйләнешле финанслау алырга мөмкинлек бирә, дип хәбәр итте Сбербанк идарәсе рәисе урынбасары Анатолий Попов ПМЭФ чарасында.
Хәзер шәригать нормалары буенча бизнес алып баручы эшкуарлар әйләнештәге акчаларны тулыландыру өчен заем акчаларын җәлеп итә ала.«Без илдә мондый беренче килешүне төзүгә бик шат, минемчә, бу – бөтен финанс индустриясе өчен мөһим вакыйга. Мондый продуктларның перспективалары яхшы, минемчә, Кард-Әл-Хәсән базар стандарты булачак, һәм башка банклар да ислам финансларын үстерүгә кушылачак»– , диде Анатолий Попов.
Илдә Кард-Әл-Хәсән продукциясе буенча беренче процентсыз кредит килешүен банк белән Татарстаннан йорт өчен пластик әйберләр җитештерүче компания төзеде. Компания чимал, җитештерү өчен ярдәмче материаллар һәм транспорт чыгымнары сатып алу чыгымнарын түләү өчен акча алачак.
Яңа продукт әйләнешле акчаларны тулыландыру өчен финансларны чит ил валютасында бер елга кадәр процентсыз кредит килешүе төзү юлы белән тәэмин итә, траншлар 1 айга кадәр бирелә.
Петербург халыкара икътисадый форумы (ПМЭФ) 5 июньнән 8 июньгә кадәр уза.