Татарстан муниципаль инвестстандартына тулысынча туры килә
Төбәкләрнең муниципаль инвестиция стандартына туры килүенең уртача күрсәткече 70% тан артык. Бу хакта муниципаль инвестицион форум барышында хезмәт җитештерүчәнлеге, Икътисадый үсеш министрлыгының капиталь инвестицияләрне яклау һәм хуплау департаменты директоры урынбасары Дмитрий Старовойтов белдерде.
Форумнарның төп бурычлары – муниципаль инвестицион вәкилләр берләшмәсен формалаштыру, муниципаль инвестстандартны популярлаштыру, эш практикалары белән алмашу.
«Узган елның сентябрендә Икътисадый үсеш министрлыгы инвесторлар белән эшләү буенча 10 тәкъдимнән торган муниципаль инвестиция стандартын раслады. Аны гамәлгә кертү проектларны урыннарда алып бару сыйфатын яхшыртачак. Практикалар алмашу өчен НААИР белән бергә муниципаль инвестицион форумнар үткәрәбез», – дип сөйләде Икътисадый үсеш министрлыгының Хезмәт җитештерүчәнлеге, капиталь инвестицияләрне яклау һәм хуплау департаменты директоры урынбасары Дмитрий Старовойтов.
Аның сүзләренчә, тулаем ил буенча муниципаль инвестстандарт инструментларына ихтыяҗ бик югары дәрәҗәдә.
«Ил буенча стандартка туры килүнең уртача проценты 70% тан артык тәшкил итә. Ә 9 төбәк тулы килешүгә иреште, шуларның 4сендә шундый ук форумнар узачак. Бу Төмән һәм Липецк өлкәләре, Татарстан Республикасы һәм Краснодар крае», – дип аңлатты Россия Икътисади үсеш министрлыгы вәкиле.
Форумнар барышында муниципаль инвестицион вәкаләтле вәкилгә инвесторларны җәлеп итү һәм озата бару, муниципаль инвестклиматны үстерү, эшкуарлык инициативаларын алга сөрү буенча үз практикаларын тәкъдим итү мөмкинлеге тәкъдим ителде.
Киләсе муниципаль инвестфорум 23-25 майда Иннополиста узачак.