Татарстан үзмәшгульләре өчен салымнар һәм салым салу турында бушлай семинар узачак

26 апрельдә «Минем бизнес» үзәгендә салымнарга һәм салым төрләренә багышланган үзмәшгульләр өчен семинар узачак. 

«Үзмәшгульлекме, яки ШЭ? Барысы да салымнар турында» темасына семинарны Россиянең баш бухгалтерлар һәм аудиторлар институты  салым консультантлары палатасыәгъзасы  Лидия Соловьева үткәрәчәк. Чара 10:00 сәгатьтә «минем бизнес» төбәк үзәге мәйданчыгында башлана.

Очрашуда катнашучылар еллык салымнарны исәпләгәндә нәрсәне исәпкә алырга кирәклеген беләчәкләр, төрле эшкуарлык формалары өчен салым салуның уңай һәм тискәре яклары турында фикер алышачаклар. Спикер салым базасын ничек оптимальләштерергә һәм тикшерүләргә әзерләнергә кирәклеген сөйләячәк.

Катнашу бушлай, һәр мастер-класска МСП.РФ цифрлы платформасында «Бизнеска ярдәм чаралары» бүлегендә теркәлү кирәк, аннан соң «Минем бизнес» үзәге үткәргән укыту чараларына язылу» хезмәтен сайларга кирәк.

Исегезгә төшерәбез, үзмәшгульләргә ярдәм итү — «Кече һәм урта эшкуарлык» илкүләм проекты кысаларында төп юнәлешләрнең берсе. Аны Президент  Владимир Путин башлап җибәрде, беренче вице-премьер Андрей Белоусов кураторы булып тора.

Татарстанда үзмәшгульләр һәм эшкуарлар өчен барлык белем бирү программалары турында «Минем бизнес» үзәгенең кайнар линия телефоны аша тулырак белергә мөмкин: 8 (843) 524-90-90