Мидхәт Шаһиәхмәтов икътисадның тотрыклы үсешен тәэмин итү буенча эшче төркем утырышын уздырды
Татарстан Республикасы Премьер-министры урынбасары – Татарстан Республикасы икътисад министры М.Р.Шаһиәхмәтов рәислегендә республика икътисадының тотрыклы үсешен тәэмин итү буенча эшче төркем утырышы узды.
Эшче төркем утырышы кысаларында ике мәсьәлә каралды:
- Татарстан Республикасы Транспорт һәм юл хуҗалыгы министрлыгы тарафыннан 2024 елда Татарстан Республикасы икътисадының тотрыклы нәтиҗәле үсешен тәэмин итү буенча чаралар планын гамәлгә ашыру буенча алып барыла торган эш;
- Россия Федераль салым хезмәтенең «Тышкы мәгълүматлар китерү» платформасында республиканың система булдыручы оешмаларын мониторинглау мәсьәләләре, шулай ук тиешле мониторинг нәтиҗәләре буенча тармак министрлыклары тарафыннан кабул ителә торган чаралар тикшерелде.
Министр билгеләп үткәнчә, тармак министрлыкларына түбәндәгеләрне эшләргә кирәк:
- система булдыручы оешмаларның финанс-икътисадый торышын мониторинглау нигезендә актив рәвештә реакция чараларын күрергә;
- предприятиеләрнең килеп туган проблемаларына оператив һәм вакытында җавап бирергә, аларны хәл итүдә максималь ярдәм күрсәтергә.