«Җитештерү кооперациясе һәм сату» сервисы Татарстанның кече һәм урта бизнесына партнерлар табарга ярдәм итәчәк

Татарстан эшкуарлары өчен МСП.РФ платформасында «Җитештерү кооперациясе һәм сату» сервисы бар. Ул продукцияне сатуны җайга салырга, импортны алмаштыру максатыннан җитештерү секторы предприятиеләре өчен яңа тикшерелгән партнер-провайдерлар табарга, үз җитештерүен нинди юнәлештә үстерергә яки үзгәртеп юнәлдерергә икәнен аңларга ярдәм итә. 

Сервисның төп бурычы – продукция җитештерүчеләрне чит ил компанияләре урынына яңа партнер сайларга теләгән заказчылар белән берләштерү. Хезмәтләр исемлеге даими рәвештә киңәйтеләчәк һәм бизнес соравы буенча эшләнәчәк.

Тикшерелгән җитештерү предприятиеләре реестрына бизнес заявкасы буенча бөтен Россиядән контакт мәгълүматлары белән алмашу мөмкинлеге булган яңа тикшерелгән җитештерүчеләр кертеләчәк. Үз бизнесы турында мәгълүматны реестрга урнаштыру эшкуарларга үзләрен заказчыларга җиткерергә, федераль һәм региональ дәрәҗәдәге ритейлерлар, сәнәгать компанияләре, кече һәм урта бизнесның башка вәкилләре арасыннан мөмкин булган партнерлар исемлеген киңәйтергә ярдәм итәчәк.

«Җитештерү кооперациясе һәм сату» сервисында ихтыяҗ ягы 223-ФЗ нигезендәге күләмдә сатып алулар витринасы белән күрсәтелә, анда бердәм интерфейс аша 30 чыганактан 500 мең сумга кадәр сатып алулар табарга мөмкин, шул исәптән электрон сәүдә мәйданчыклары, аларның аерым секцияләре һәм заказчыларның интернет-кибетләре дә керә. Монда мәйданчыкның үзенә күчеп, сатып алуда катнашырга мөмкин.