СИА масштаблы югары технологияле һәм гуманитар проектлар конкурсын үткәрә

СИА, Евразия икътисадый комиссиясе белән берлектә, Евразия икътисадый берлеге илләре арасында «Евразия интеграциясе символлары» масштаблы югары технологияле һәм гуманитар проектлар конкурсын үткәрә.

Конкурсның максаты – Евразия төбәге территориясендә берничә ил вәкилләре катнашында гамәлгә ашырыла торган һәм социаль, икътисадый һәм технологик нәтиҗәләрне тәэмин итә торган проектлар эзләү. 

Конкурста коммерция оешмалары, дәүләт учреждениеләре, хакимият органнары, җирле үзидарә органнары, коммерцияле булмаган оешмалар һәм берләшмәләр, шулай ук физик затлар – ЕАЭС әгъза-дәүләтләре гражданнары түбәндәге номинацияләрдә катнаша ала:

• төп тармак технологияләре;
• транзит потенциалы;
• технологик суверенитет;
• цифрлы платформалы чишелешләр;
• яңа технологик төзелеш;
• кеше капиталы;
• Евразия туризмы; 
• финанс инклюзивлыгы.

Конкурста катнашу бушлай. Һәр катнашучы 3 проекттан артык тапшыра алмый. Катнашу өчен 2024 елның 30 апреленә кадәр Конкурс сайтында гариза тутырырга кирәк: https://eurasiasymbols.asi.ru.

Экспертлар төркеме һәм конкурс президиумы эше нәтиҗәләре буенча һәр номинациядә җиңүче (1 урын) һәм финалистлар (2 һәм 3 урын) билгеләнәчәк.