Илкүләм проект кысаларында Татарстан Республикасы Икътисад министрлыгы югары технологияле эндохирургия җиһазлары җитештерелгән урында булды
2024 елның 5 мартында «Кече һәм урта эшкуарлык һәм шәхси эшкуарлык инициативасына ярдәм» илкүләм проектын гамәлгә ашыру кысаларында Татарстан Республикасы Премьер–министры урынбасары – Татарстан Республикасы икътисад министры Мидхәт Шаһиәхмәтов Питрәч районының Пановка авылында урнашкан «ИВФ Медфармсервис» ҖЧҖ югары технологияле эндохирургия җиһазлары җитештерү предприятиесендә булды.
«Медфармсервис» компаниясе үз эшчәнлеген 1999 елдан алып бара, пациентка зыянны киметү максатыннан югары технологияле операцияләрне аз күләмдә инвазив ысул белән үткәрү методикаларын эшли. Компаниягә нигез салучы Александр Чукарин җитәкчелегендә оешма төрле тикшеренү методикаларын үткәргәндә кулланыла торган системалар һәм башка ярдәмче җиһазлар рәвешендә эндоскопларның уникаль инструментариен җитештерә.
«Медфармсервис» компаниясенең ике үз җитештерү предприятиесе бар, аларның берсендә металл эшкәртү һәм детальләр әзерләү бара, икенчесендә әзер әйберләрне кулдан җыю башкарыла.
2023 елда «Медфармсервис» Татарстан компаниясе Татарстан Республикасы Икътисад министрлыгына караган Гарантия фонды ярдәменнән файдаланып, 25 млн.сум күләмендә поручительлек алган, бу компаниягә 4 заманча югары төгәллекле станок сатып алырга һәм медицина җиһазлары өчен импортны алмаштыра торган комплектлаучы җитештерү буенча яңа җитештерү цехы ачарга мөмкинлек биргән.
«ИВФ Медфармсервис» ҖЧҖ компаниясе продукциясе бөтен Россия буенча сатыла, шулай ук якын чит илләргә экспортлана.
«Медфармсервис» компаниясе планнарында профильле җиһазлар сатып алу, продукция ассортиментын арттыру һәм җитештерүне киңәйтү.
Татарстан Республикасы Премьер–министры урынбасары – Татарстан Республикасы икътисад министры Мидхәт Шаһиәхмәтов Россия Федерациясе Президенты Владимир Путин инициативасы белән оештырылган «Кече һәм урта эшкуарлык һәм шәхси эшкуарлык инициативасына ярдәм» илкүләм проектын гамәлгә ашыру кысаларында ватан җитештерүчеләренә ярдәм итүнең мөһимлеген билгеләп үтте.
Исегезгә төшерәбез, Татарстан Республикасы Гарантия фонды Банклар бәяләве буенча тотрыклы финанс хәле булган, әмма кредит алу өчен җитәрлек залог тәэмин ителеше булмаган эшкуарларның йөкләмәләре буенча поручительство бирә.
Татарстан эшкуарлары Татарстан Республикасы Гарантия фонды сайтында гариза бирә, үз бизнесларын гарантия ярдәме алу шартларына туры килү-килмәвен тикшерә һәм ташламалы программалар турында тулырак белә ала, телефоннар: +7(843)293-16-94, +7 (903) 061-40-18, шулай ук Казан шәһәре, Мәскәү урамы, 55 йорт адресы буенча Фондның үзенә дә мөрәҗәгать итәргә мөмкин.