Татарстанда кече һәм эре бизнес кооперациясе өчен Тәэминатчы көне уздырылачак
14 мартта Чаллы шәһәренең ИТ-паркында Тәэминатчы көне узачак. Эшкуарлар диалог форматында «ХАИР» ҖЧҖ (HAIER бренды), «ГОРЭЛТЕХ заводы» ҖЧҖ һәм «Казанькомпрессормаш» АҖнең сатып алу процедуралары турында барысын да беләчәк.
Татарстан Республикасы Икътисад министрлыгы һәм «Татарстан Республикасы кластер үсеше һәм проект идарәсе үзәге» коммерцияле булмаган автоном оешмасының уртак инициативасы эре һәм кече бизнесны очраштырып, предприятиеләр арасындагы диалогта конструктив якын килү индикаторы булып тора һәм «Кече һәм урта эшкуарлык» илкүләм проектының КУЭ субъектларының сату базарларын киңәйтү һәм кооперацион элемтәләрне үстерү максатларына туры килә.
Тәэминатчы көне республиканың кече җитештерүчеләре белән эре бизнес очрашулары сериясендә быел беренче чара булачак. 2023 елда очрашулар төзелеш, нефть химиясе компанияләрен, сәүдә челтәрләрен, шулай ук республиканың сәнәгать парклары резидентларын колачлады.
Оештыручылар синергетик эффектны билгеләп үтәләр – компанияләр бер яктан үз предприятиеләре тирәсендә тәэмин итүчеләр һәм җитештерүчеләр кластерын формалаштыра, икенче яктан – Татарстан подрядчыларын эре проектларны гамәлгә ашыруга җәлеп итәләр.
Очрашуда эре компанияләр вәкилләре үз тәэмин итүчеләренә таләпләр белдерәчәк, катнашучы предприятиеләрнең компанияләр ихтыяҗларын ябу өчен потенциаль тәэмин итүчеләр буларак чыгыш ясау тәкъдимнәрен караячаклар. Предприятиеләргә кызыксындырган мәсьәләләр турында шәхсән фикер алышу һәм үз продукциясен B2B очрашуларында тәкъдим итү мөмкинлеге биреләчәк.
Чара программасы һәм теркәлү әлеге сылтама буенча: https://event-innokam.timepad.ru/event/2784461/.
Очрашу Чаллы шәһәренең ИТ-паркында Машина төзелеше урамы, 91 адресы буенча узачак. Чарага 2024 елның 12 мартына кадәр теркәлгән катнашучылар гына керә ала.
Оештыручылар булып Татарстан Республикасы Сәнәгать һәм сәүдә министрлыгы, «Минем бизнес» үзәге һәм КУЭ корпорациясе ярдәме белән Татарстан Республикасы Икътисад министрлыгы һәм «Иннокам» кластеры АКО тора.