Халыкара эксперт Эрик Меликян Татарстан эшкуарларын финанс грамоталылыгына өйрәтәчәк

Татарстан Республикасы Икътисад министрлыгы ярдәме белән Татарстан Республикасы Эшкуарлыкка ярдәм фондының «Минем бизнес» үзәгендә 8 ноябрьдә финанс грамоталылыгы, шәхси финанслар һәм инвестицияләр турында сөйләячәкләр.

Чараның спикеры булып Эрик Меликян – халыкара бәйсез финанс киңәшчесе, Leader Group финанс киңәшчеләре берләшмәсе әгъзасы һәм партнеры чыгыш ясаячак.

Исегезгә төшерәбез,  «Минем бизнес» үзәгендә атна саен эшкуарлар, үзмәшгульләр һәм эшкуарлык эшчәнлеген планлаштыручы затлар өчен бушлай укыту чаралары үткәрелә. 1 ноябрьгә 1500дән артык эшкуарлык җәмгыяте вәкилләре тренинглар, мастер-класслар, семинарлар узды.

Бушлай семинар программасы түбәндәгеләрне үз эченә ала:
 - финанс грамоталылыгы, финансбелеменә ия булган кешенең билгеләре; 
- инвестицияләү идеясе, мәгънәләре, инвестицияләү кораллары; 
- инфляцияне ничек исәпләргә һәм капиталны ничек сакларга; 
- 2023-2024 елларда халыкара базарга ничек инвестицияләргә
- капиталны ничек ясарга.

Чарага теркәлү – МСП.РФ цифрлы платформасында «Региональ ярдәм чаралары» бүлегендә. 

Чара «Кече һәм урта эшкуарлык» илкүләм проекты кысаларында үткәрелә. Эшкуарлык эшчәнлеген үстерү өчен башка чаралар турында Татарстан Республикасының «Минем бизнес» үзәгенең кайнар линия телефоны аша белергә мөмкин.