Татарстан территориясендә социаль әһәмиятле проектларны гамәлгә ашыручы коммерциясез оешмалар грантларын бирү конкурсында җиңүчеләр билгеләнде
Татарстан Республикасы Иҗтимагый палатасында Татарстан Республикасы муниципаль берәмлекләре территориясендә социаль әһәмиятле проектларны гамәлгә ашыручы коммерциясез оешмаларга грантлар бирү конкурсын үткәрү буенча республика комиссиясе утырышы узды. Утырышны Татарстан Республикасы Иҗтимагый палатасы һәм республика конкурс комиссиясе рәисе Зилә Вәлиева үткәрде.
Утырышны ачып, Зилә Вәлиева уздырылган конкурсның әһәмиятен ассызыклады: «Әлеге конкурс республика муниципаль берәмлекләре территориясендә гражданлык инициативаларына ярдәм итүгә юнәлдерелгән иде. Шунысы игътибарга лаек, конкурста катнашучылар һәм җиңүчеләр арасында элек актив булмаган районнар барлыкка килде.
Республика комиссиясе секретаре, СЮКО ярдәм итү буенча Республика ресурс үзәге җитәкчесе Зөлфия Сафина сүзләренчә, Татарстан Республикасы муниципаль берәмлекләре территориясендә социаль әһәмиятле проектларны гамәлгә ашыручы коммерциясез оешмаларга грантлар бирү конкурсына 45 муниципаль берәмлектән 344 КО гаризасы тапшырылган һәм теркәлгән.
Конкурста катнашучыларны тикшерү нәтиҗәләре буенча эксперт комиссиясе билгеләнгән таләпләргә туры килмәгән 33 гаризаны кире каккан. Шулай итеп, конкурста 311 КО гаризасы катнашкан. Республика конкурс комиссиясе карары белән 80 КО конкурста җиңүче дип танылган.
Республика комиссиясе әгъзаларына шулай ук 2023 елда гражданлык җәмгыятен үстерүгә Татарстан Республикасы грантларын бирү буенча республика конкурсы барышы турында мәгълүмат тапшырылган. Хәзерге вакытта конкурста катнашу өчен 33 муниципаль берәмлектән һәм Россия Федерациясенең 14 субъектыннан 100дән артык гариза бирелгән. Конкурска гаризаларны 23 июльгә кадәр тапшырырга мөмкин. Конкурс традицион рәвештә «Грант конкурсы» автомат мәгълүмат системасы (АИС грантытатарстана.рф) платформасында уза.