Татарстан Республикасы бизнеска иң аз басым ясаучы төбәкләр рейтингында икенче урынны алды

2022 ел нәтиҗәләре буенча Татарстан бизнеска административ басым индексында 2 урынны алды. Мондый мәгълүматлар Мәскәүдә эшкуарлар хокукларын яклау буенча вәкаләтлеләрнең Бөтенроссия конференциясендә ачыкланды.

Индекс нәтиҗәләре Россия Федерациясе бизнес-омбудсмены Борис Титовның Россия Федерациясе Президенты Владимир Путин адресына Россиянең кече һәм урта бизнесындагы вәзгыять турында еллык докладына керәчәк.

Исегезгә төшерәбез: 2021 ел нәтиҗәләре буенча Татарстан Республикасы Россия төбәкләре арасында бизнеска административ басым индексында 4 нче урында иде.

Төбәкләр буенча индексны исәпләү методикасы Роспотребнадзор, Росприроднадзор, Ростехнадзор, Россельхознадзор, МЧС, Ространснадзор, Росздравнадзор һәм Роструд колачланган контроль һәм күзәтчелек органнары эшчәнлегенең өч күрсәткеченә нигезләнә.

Алдагы күрсәткечләр – контрольдә тотыла торган субъектларның гомуми саныннан контрольгә алынган оешмаларның һәм шәхси эшкуарлар өлеше (азрак булган саен, яхшырак); җәзаларның гомуми саныннан кисәтүләрнең өлеше (күбрәк булган саен, яхшырак); контроль-күзәтчелек һәм профилактика чараларының гомуми санында профилактика чараларының өлеше (күбрәк булган саен, яхшырак). Бу параметрларның гомуми кыйммәте төбәкнең гомуми индекстагы урынын билгели.