Татарстан бизнес тарафыннан КУЭ илкүләм проекты кысаларында ташламалы инвестиция кредитлары җәлеп итү буенча алдыегылар өчлегенә керде
2023 елның I кварталында ташламалы инвестиция кредитлавы күләме буенча ТОП-3 төбәкне программа буенча Новосибирск өлкәсе, Татарстан Республикасы һәм Мәскәү җитәкли. Бу төбәкләрдә КУЭ 2,55 млрд, 1,79 млрд һәм 1,75 млрд сумлык финанс ярдәме алган.
330дан артык кече һәм урта бизнес предприятиеләре 2023 елның I кварталында Президент инициативасы белән башланган һәм беренче вице-премьер Андрей Белоусов җитәкчелегендәге «Кече һәм урта эшкуарлык» илкүләм проекты кысаларында 2,5 һәм 4 % еллык инвестиция максатларына ташламалы кредитлар алучылар булды. Өч ай эчендә бирелгән заем акчаларының гомуми суммасы 20,3 млрд сум тәшкил итә.
Ташламалы кредитларга керү эчке ихтыяҗның артуына юнәлдерелгән КУЭ өстенлекле тармакларының үсешен стимуллаштырырга тиеш, дип билгеләп үтте РФ Икътисади үсеш министры Максим Решетников Премьер-министр Михаил Мишустин рәислегендә Кече һәм урта эшкуарлыкны үстерү мәсьәләләре буенча Хөкүмәт комиссиясе утырышында. Мондый тармаклар арасында эшкәртү, ИТ, инжиниринг үзәкләре, кече технология компанияләре, туризм бар. Бу өлкәләрдә квалификацияле эш урыннары тупланган, ә компанияләр инвестицияләрне арттыруга һәм хезмәт җитештерүчәнлеген арттыруга юнәлдерелгән.
Еллык 2,5 һәм 4 процент ташламалы инвесткредит программасы буенча ташламалы кредитлар бирүнең иң зур күләме I кварталда эшкәртү производствосында теркәлгән: 9,4 млрд сум – 212 КУЭ субъекты алган. Транспорт һәм саклау өлкәсендә 76 эшкуар 7 млрд сум җәлеп иткән, кунакханә бизнесында бу күрсәткечләр 3,8 млрд сум һәм 43 финанс ярдәме алучы тәшкил иткән.
Инвестиция максатларына ташламалы кредит бирү программасы 2022 елның августында эшли башлады. Урта бизнес өчен еллык 2,5 процент һәм кече һәм микропредприятиеләр өчен еллык 4 процент белән 50 млн сумнан кредитны 49 банктан алырга мөмкин. Аларның тулы исемлеге Россия Икътисади үсеш министрлыгы һәм КУЭ Корпорациясе сайтында бар. Ташламалы ставкалар биш ел гамәлдә, ә кредитны 10 ел эчендә түләп була. Программа «Кече һәм урта эшкуарлык» илкүләм проекты кысаларында гамәлгә ашырыла.