Төзекләндерү өлкәсендә күрсәтмәләр бирү мөмкинлеген күздә тоткан инициатива хупланды

2023 елның 20 апрелендә Россия Федерациясе Президенты В.В. Путин үткәргән Россия Федерациясе Президенты каршындагы Җирле үзидарәне үстерү буенча Совет утырышы кысаларында муниципаль хезмәтнең кадрлар потенциалы мәсьәләләре, муниципаль берәмлекләрнең киңлек үсеше бурычлары, шулай ук җирле үзидарә органнары эшенең үзенчәлекләре тикшерелде.

Россия Федерациясе Хөкүмәте Рәисе урынбасары – Россия Федерациясе Хөкүмәте Аппараты җитәкчесе Д.Ю. Григоренко мораторий кысаларында төзекләндерү өлкәсендә күрсәтмәләр бирү мөмкинлеген күздә тоткан Бөтенроссия җирле үзидарәне үстерү ассоциациясе инициативасын хуплады.

Әлеге инициатива өчен дәлил булып, бизнесның аерым вәкилләренең системалы рәвештә кагыйдәләрне үтәмәве хезмәт итә, бу гражданнарның тормыш уңайлылыгына тәэсир итә. Сүз бизнесменнар карамагындагы биналар алдындагы чүплекләр, фасадларны тиешенчә тотмау, газоннарда транспорт кую һәм башкалар турында бара. Тикшерүләргә мораторий кертелү сәбәпле, мондый эшкуарларны кагыйдәләрне һәм таләпләрне үтәргә этәрү мөмкинлеге юк. Шуңа бәйле рәвештә инспекторларга мондый хокук бозулар ачыкланган очракта күрсәтмәләр бирергә рөхсәт итәргә тәкъдим ителә.

Шулай ук Россия Федерациясе Хөкүмәте Рәисе урынбасары – Россия Федерациясе Хөкүмәте Аппараты җитәкчесе Д.Ю. Григоренко мондый очракларда күрсәтмә бирү мөмкинлеге булган профилактик визит ясарга мөмкинлек бирә торган закон инициативасы кертергә тәкъдим итә.