ТР Икътисад министрлыгы эре төзелеш компанияләренең Татарстан сәнәгать парклары резидентлары белән очрашуын оештыра

Эре төзелеш компанияләренең кече һәм урта җитештерү бизнесы субъектлары белән хезмәттәшлеген активлаштыру өчен, Татарстан Республикасы Икътисад министрлыгы «ЦКР «ИННОКАМ» Автоном коммерцияле булмаган оешмасы белән берлектә 23 мартта Тәэминатчылар көнен үткәрәчәк.

Чара республика сәнәгать паркларының идарәче компанияләрен һәм резидентларын үстерүгә, КУЭ субъектларының Татарстанның эре предприятиеләре белән хезмәттәшлеген һәм кооперациясен җайга салуга юнәлдерелгән.

Тәэминатчы көнендә катнашу өчен «АК БАРС Девелопмент» ҖЧҖ, «УК «Суварстроит» ҖЧҖ, «Бриз» ҖЧҖ, «Домкор» махсуслаштырылган төзүче ҖЧҖ, «Евростиль» ҖЧҖ, СЗ «СМУ 88» ҖЧҖ, ГК «ПРОФИТ» ҖЧҖ, «СЗ «Талан-Набережные Челны» ҖЧҖ, «СК «ТСИ» ҖЧҖ һәм башкалар кебек эре төзелеш компанияләре һәм проект оешмалары чакырылган:

Төзелеш компанияләре вәкилләре үз тәэминатчыларына таләпләрне белдерәчәк, катнашучы предприятиеләрнең компанияләр ихтыяҗларын ябу өчен потенциаль тәэминатчы буларак эш итү тәкъдимнәрен караячак. Предприятиеләргә кызыксындырган мәсьәләләр турында шәхсән фикер алышу һәм үз продукциясен B2B очрашуында тәкъдим итү мөмкинлеге биреләчәк.

Чарада катнашу өчен эшкуарларга 2023 елның 21 мартына кадәр КУЭ.РФның Цифрлы платформасындатеркәлү узарга кирәк. Эре һәм башка предприятиеләргә salikhov@innokam.ru e-mail ына планлаштырылган катнашучылар турында ирекле формада мәгълүмат җибәрергә кирәк: оешмасы, вазыйфасы, ФИА, элемтә өчен мәгълүматлары.

Чара 2023 елның 23 мартында, 11:00 сәгатьтә Чаллы шәһәрендә, «НУР» Яшьләр үзәге, Академик Рубаненко урамы, 2 нче йортта узачак.