Татарстан эшкуарларына ярдәм итүнең яңа чаралары бар

Россия Икътисади үсеш министрлыгы һәм «Минем бизнес» үзәкләренең федераль челтәре Россия компанияләре белән берлектә «Кече һәм урта эшкуарлык һәм шәхси эшкуарлык инициативасына ярдәм итү» илкүләм проектын тормышка ашыру максатында кече һәм урта эшкуарлык субъектлары өчен яңа бушлай хезмәтләр әзерләде.

Ozon.ru маркетплейсының башлап сатучыларына экспертлардан консультацияләр, шулай ук 5 мең бонус балл (1 балл = 1 сум) бар, аларны платформада үз товарларын танытуга сарыф итәргә мөмкин.

Моннан тыш, социаль бизнеска ярдәм итүнең партнерлык программасы турында Россия Икътисади үсеш министрлыгы һәм Россиянең иң эре эш һәм хезмәткәрләр эзләү платформаларының берсе hh.ru килеште.

hh.ru хезмәте социаль эшкуарлар өчен үз проектында хезмәткәрләр табу өчен 2 бушлай эш урыны тәкъдим итә. Юридик затлар РФ Икътисади үсеш министрлыгының социаль предприятиеләрнең рәсми Реестрына керергә тиеш.

Бушлай вакансияләрне 30 көнгә урнаштырырга мөмкин. Ярдәм чарасы 2023 ел ахырына кадәр гамәлдә булачак. Эзләүне хезмәткәрләрне эшкә алу кирәк булган теләсә кайсы вакытта башларга мөмкин булачак.

Әлеге хезмәтләргә гаризаларны кабул итү «Минем бизнес» үзәге тарафыннан РФ.КУЭның Цифрлы платформасында эшли башлады.

Ярдәм итү һәм хезмәт күрсәтү чараларына барлык гаризаларны КУЭ.РФның Цифрлы платформасында https://мсп.рф/электрон адресы буенча https://мсп.рф/ «Төбәк ярдәм чаралары» бүлегендә онлайн рәвештә тапшырырга мөмкин.

Республикада эшкуарларга ярдәм итү чаралары турында күбрәк «Минем бизнес» Үзәгенең сайтында, шулай ук кайнар линия телефоны буенча белергә була: 8(843) 524-90-90.

Исегезгә төшерәбез: барлык бушлай хезмәт күрсәтүләр «Кече һәм урта эшкуарлык һәм шәхси эшкуарлык инициативасына ярдәм» илкүләм проектын гамәлгә ашыру кысаларында башкарыла. Илкүләм проектның кураторы – Россия Федерациясе Хөкүмәте Рәисенең беренче урынбасары Андрей Белоусов.