Илкүләм проект «Студентлар стартапы» программасы финалистларына проектларны уңышлы тормышка ашырырга һәм грантларны үзләштерергә ярдәм итәчәк
14 ноябрьдә «Минем бизнес» үзәгендә дәүләттән үзләренең инновацион проектларын гамәлгә ашыруга 1 млн сум күләмендә финанс ярдәме алган «Студентлар стартапы» программасы финалистлары өчен укулар башлана. Укулар яшь уйлап табучыларга стартапларга профессиональ бәя бирергә, шулай ук студент проектларын алга таба үстерү һәм уңышлы тормышка ашыру өчен тәкъдимнәр һәм практик күнекмәләр алырга ярдәм итәчәк. Чара кече һәм урта бизнесның милли проекты кысаларында узачак.
Исегезгә төшерәбез: «Студентлар стартапы» программасы студентларга үз стартапларын тәкъдир итү рәвешендә чыгарылыш квалификация эшләрен әзерләү һәм яклау мөмкинлеге бирә. Алга таба уңышлы кейслар икътисадның реаль секторына кертелергә мөмкин. Татарстан Республикасында 130 студент Инновацияләргә ярдәм итү фондыннан технология проектларын башлау өчен башлангыч капитал буларак 1 млн сум күләмендә финанслау алды.
Өйрәнүнең беренче этабы онлайн-тест булачак, ул бизнес грамоталылыгы дәрәҗәсен билгеләячәк һәм катнашучыларның эшкуарлык сәләтен ачыклаячак. Тест үткәрү һәм проект юнәлеше нәтиҗәләре нигезендә, менторий бүлмәләре кысаларында профильле экспертлар белән конкрет тормыш ситуацияләрен, булачак эшкуар алдында торган проблемаларны һәм аларны хәл итү алгоритмнарын карау өчен очрашулар оештырылачак.
Онлайн курс чыгарылыш студентларын эшкуарлык эшчәнлегенә әзерләячәк, проектлар белән идарә итү һәм лидерлык өлкәсендә өстәмә һөнәри компетенцияләр бирәчәк. Тәҗрибәле менторлар белән катнашучылар софт-скиллар булдырачаклар, шәхси брендның, сторитейлинг һәм питчингның нәрсә икәнен һәм, грант акчаларын нәтиҗәле үзләштерү өчен, боларның барысын ничек кулланырга икәнен аңлаячаклар. Курсның тагын бер темасы бизнесны теркәү, сату каналларын һәм аудиториянең максатчан портретын билгеләү булачак.
Программа 14 ноябрьдән 17 декабрьгә кадәр узачак. Чара тәҗрибә һәм идеяләр уртаклашу, бизнес-комьюнити белән танышу һәм эшлекле элемтәләр төзү мәйданына әвереләчәк. Укуда катнашучылар өчен махсус телеграм-канал булдырылды: //t.me/+fvC50Bf22ZJhYzJi
Программа «Кече һәм урта эшкуарлык һәм шәхси эшкуарлык инициативасына ярдәм» илкүләм проекты ярдәмендә тормышка ашырыла. Оештыручылар – Татарстан Республикасы Икътисад министрлыгы һәм «Минем бизнес» Үзәге, «Татарстан Республикасы Эшкуарлыкка ярдәм итү фонды» МКК КБО.