Татарстан эшкуарлары халыкара сәүдә логистикасын өйрәнделәр
20 октябрьдә Казанда яңа эш башлаучы һәм эшләп килүче экспортерлар өчен «Халыкара логистика: актуаль мәсьәләләр» темасына түгәрәк өстәл узды. Катнашучылар Россия Федерациясенең экспорт йөк ташу логистик базарын өйрәнделәр.
Спикер сыйфатында халыкара икътисади хезмәттәшлек буенча тренер һәм эксперт Лилия Аракелова чыгыш ясады. Ул 2022 елда Россия экспорт йөк ташу логистика базарының үсеш перспективалары турында сөйләде. Шулай ук экспорт сату ысуллары, фулфилмент драйверлары, геосәяси мәсьәләләр кысаларында яңа логистик коридорлар һәм башкалар турында.
Халыкара автомобиль йөртүчеләр ассоциациясенең (АСМАП) Казандагы вәкиле Александр Линдваль «Халыкара автомобиль белән ташу үзенчәлекләре» темасына чыгыш ясады. Александр Владимирович АСМАП төзү тарихына кагылды, Ассоциация бүгенге көндә Халыкара автомобиль элемтәсендә йөк һәм пассажирлар йөртүче 1400 компанияне берләштерә, дип сөйләде. Ул шулай ук АСМАП ның функциясен, 2022 елның 29 сентябреннән – РФ Президентының халыкара автомобиль белән йөк ташу өлкәсендә Евросоюз санкцияләренә җавап чаралары кертүне күздә тоткан 681 номерлы Указга кул куйганнан соңгы төп үзгәрешләрне күрсәтте. Моннан тыш, спикер экспорт белән шөгыльләнүче түгәрәк өстәлдә катнашучыларга, әгәр китерү автомобиль транспортыннан файдалануны күздә тота икән, профессиональ ташучылар хезмәтеннән файдаланырга киңәш бирде.
Яр Чаллыда «Җиде йөз юл» транспорт компаниясенә нигез салучы Андрей Семиволков халыкара логистика тәҗрибәсе белән уртаклашты. Ул Казахстанга, Үзбәкстанга, Грузиягә, Кытай һәм Таҗикстанга халыкара йөк ташуның нечкәлекләре, елның төрле чорларында автомобиль белән ташуның үзенчәлекләре турында сөйләде. Андрей Сергеевич чарада катнашучыларга әлегә элемтәләр җайга салынмаган партнерлар белән алдан түләү буенча эшләргә киңәш итте.
Модератор ТР ССП каршындагы транспорт комитеты рәисе, шәхси эшмәкәр Сергей Сотников булды. Түгәрәк өстәл кунаклары экспертлар белән берлектә тәҗрибә уртаклаштылар, проблемалар һәм актуаль мәсьәләләр турында фикер алыштылар.
Чара Татарстан Республикасы Икътисад министрлыгы һәм «Татарстан Республикасы Эшкуарлыкка ярдәм итү фонды» КБК НО экспортка ярдәм итү үзәге ярдәме белән гамәлгә ашырылды.