Мобилизацияләнгән эшкуарларга федераль мөлкәтне арендалаган өчен түләүләр кичектерелә
Мобилизацияләнгән эшкуарларга федераль мөлкәтне арендалаган өчен түләүләр кичектерелә
2022 елның 19 октябре, чәршәмбе
Хөкүмәт рәисе Михаил Мишустин өлешчә мобилизация кысаларында хезмәткә чакырылган эшкуарларга күчемсез милекне, җир кишәрлекләрен һәм башка федераль милекне арендалау өчен түләүне кичектереп тору турындагы боерыкны имзалады.
Кичектерү хезмәт үтүнең бөтен чорына бирелә. Мобилизацияләнгәннәрдән тыш, мондый ярдәм чарасы хәрби хезмәт узу турында контракт төзегән эшкуарларга һәм армия бүлекчәләре составына кергән доброволец эшкуарларга кагылачак.
Түләүләр кичектереп торылачак федераль милек арендаторлары шәхси эшкуарлар да, бер үк кеше компанияне гамәлгә куючы да һәм җитәкче дә булган юридик зат та булырга мөмкин. Кичектерү федераль милекнең барлык төрләренә, шул исәптән җир кишәрлекләренә дә кагыла. Мондый кичектерелгән вакытта коммуналь түләүләрне арендалаучы урынына арендага бирүче түләячәк.
Моннан тыш, хәзер мобилизацияләнгән эшкуарлар федераль милекне арендага алу шартнамәләрен штраф санкцияләреннән башка өзә алачак.
Хөкүмәт төбәк һәм муниципаль дәрәҗәдә шундый ук ярдәм чараларын күрергә тәкъдим итте.
Имзаланган күрсәтмә – өлешчә мобилизация шартларында Россия икътисады эшен тәэмин итү буенча беренчел чаралар планының бер өлеше.
Моңа кадәр Хөкүмәт мобилизацияләнгән бизнесменнар өчен ярдәм чараларын хуплады. Мобилизацияләнүчегә бизнес милекчесе булып калу мөмкинлеген саклап калу планлаштырыла, дәүләт оешмалары өчен эш буенча штрафларсыз контрактларны үзгәртү яки өзү, бизнес алып бару өчен лицензияләрне автоматик рәвештә озайту, салымнар һәм түләүләр, түләү декларацияләр һәм хисап бирү срокларын күчерү, кредит каникуллары, дәүләттән арендага алынган күчемсез милек буенча штрафсыз аренда шартнамәләрен туктату яки өзү эшләнгән.
Өлешчә мобилизация белән бәйле рәвештә эшкуарларга ярдәм итүнең барлык федераль чаралары белән Татарстан Республикасы Икътисад министрлыгы сайтында сылтама буенча танышырга мөмкин (исемлек тулыландырыла).