1 октябрьдән бизнесны тикшерү өчен мораторий бозылуга шикаять бирү җиңелрәк булачак
Россиядә барлык предприятиеләр өчен – 2022 ел ахырына кадәр, IT-өлкә предприятиеләре өчен өч ел дәвамында бизнесны тикшерүгә мораторий гамәлдә. 2022 елның 1 октябреннән шикаять бирү процессы гадиләштерелде. Хәзер мөрәҗәгатькә Дәүләт хезмәтләре порталында гади электрон имза салырга мөмкин. Элегерәк юридик затлар көчәйтелгән квалификацияле электрон имза кулланырга тиеш иде.
Әгәр эшкуарга планлаштырылмаган тикшерү килә икән, эшкуар РФ Дәүләт хезмәтләре порталы аша, дәүләт хезмәтләренең «Бизнесны саклау»төбәк порталы бүлеге аша мораторий бозылуга шикаять бирә, Россия Икътисади үсеш министрлыгына электрон почта адресына proverki.net@economy.gov.ru, аша "Хезмәт 360°»мөрәҗәгать яза ала.
Кертелгән мораторий ярдәмендә 2022 елның 1 сентябренә республика контроль органнары тарафыннан үткәрелгән тикшерүләр саны 2021 елның шул ук чоры белән чагыштырганда 11 тапкырга кимегән. Бүгенге көндә 142 тикшерү үткәрелгән, узган ел бу чорда 1553 тикшерү үткәрелгән булган.
Агымдагы елда, планлы тикшерүләр юкка чыкканнан соң, күп кенә контроль органнары алар урынына профилактик визитлар үткәрә.
Планнан тыш тикшерүләр бары тик аерым очракларда, прокуратура органнары белән килештерелгәндә генә үткәрелә.
Планнан тыш тикшерүләр, прокуратура органнары белән килешми торып, бары тик торак инспекцияләре тарафыннан, РФ Президенты, РФ Хөкүмәте йөкләмәсе буенча, прокурор таләбе буенча гына үткәрелергә мөмкин.
Тикшерүләр куркыныч һәм социаль әһәмиятле объектлар, санитария һәм янгын таләпләре өчен генә калды.
Татарстан Республикасы Икътисад министрлыгы контроль органнары тарафыннан профилактик визитларны гамәлгә ашыруның нәтиҗәлелегенә ай саен анализ ясый. Министрлык хезмәткәрләре эшкуарлардан сораштыру уздыра. Кертелгән мораторий нәтиҗәләре буенча Икътисад министрлыгы кире элемтә ярдәмендә эшкуарлардан уңай фикерләр ала.
ТР Икътисад министрлыгының барлык яңалыклары да социаль челтәрләрдәге рәсми сәхифәләребездә ачык.
ВКонтактеда: https://vk.com/mineconomrt;
Телеграм: https://t.me/merttatarstan.
Одноклассники: https://ok.ru/group/60579548233871