Агымдагы елда Татарстанда контроль органнарының 300 дән артык профилактик визиты узды

Агымдагы елда Татарстанда 310 профилактик визит оештырылган инде. Татарстан Республикасы Икътисад министрлыгы үткәргән тикшерү органнары тарафыннан профилактик визитларны гамәлгә ашыруның нәтиҗәлелеген анализлау нәтиҗәләре буенча төбәк эшкуарлары бизнеска административ йөкләнешне киметү инструментын уңай бәялиләр.

Шундый визитларның берсе Татарстан Республикасының Дәүләт торак инспекциясе белгечләре тарафыннан Зеленодольск районындагы «Жилкомплекс» идарәче компаниясендә булды.

Визит барышында ТР Дәүләт торак инспекциясе үзәк инспекторлык бүлеге белгечләре тарафыннан кконтроль турында яңа законнарны куллану нигезләмәләренә һәм практикасына аңлатмалар бирелде, тикшерүләрне үткәрү чикләүләре, тикшерүләргә карата гомуми таләпләр, риск-юнәлешле якын килүне куллану тәртибе һәм риск категориясен киметүнең тәкъдим ителгән ысуллары аңлатылды.

Моннан тыш, компания хезмәткәрләренә торак законнарының мәҗбүри таләпләре турында мәгълүмат бирелде, аңлату эшләре үткәрелде һәм куркынычсызлыкны тәэмин итү өчен киңәшләр бирелде.

Компания җитәкчесе ягыннан контроль органнары белән аралашуның мондый ысулы уңай бәяләнде. Татьяна Шибалова сүзләренә караганда, контролерлар аның сорауларына җавап биргәннәр, гамәлгә ашырыла торган эшчәнлек нигезендә закон нормаларын үтәргә мөмкинлек бирүче мәгълүмат биргәннәр.

Хәзерге вакытта бизнес объектларында профилактик чаралар үткәрү Татарстан Республикасында тикшерү (күзәтчелек) органнары эшенең өстенлекле юнәлешләренең берсе булып тора. Профилактик чаралар үткәрү форматы, шул исәптән профилактик визит кебек, артык административ басымсыз, эшкуарлар белән үзара хезмәттәшлек режимында, эшкуарлар һәм кулланучылар мәнфәгатьләренә җавап бирә торган бизнесның куркынычсыз эшләвенә ирешергә мөмкинлек бирә.