Татарстанда беренчеләрдән булып Төбәк инвестиция стандартының барлык элементлары да кертелде
Татарстан Республикасында яңа инвестиция проектларына ярдәм итү системасының барлык биш элементы – Төбәк инвестиция стандарты расланды һәм кертелде.
Төбәк инвестиция стандарты төбәкләрдә бизнес алып бару өчен уңай шартлар булдыру инструменты булып тора һәм күбрәк инвесторларны җәлеп итү өчен шартлар кертүне күз алдында тота.
Стандартны гамәлгә ашыру өчен, ил төбәкләре инвестпроектларны гамәлгә ашырганда шартларны начарайтмау буенча йөкләмәләр белән инвестиция декларацияләрен раслыйлар. Инвестиция үсеше агентлыклары һәм проектларга ярдәм итү һәм бәхәсле мәсьәләләрне хәл итү өчен комитетлар булдырыла. Инфраструктурага тоташу өчен төбәкләрнең инвестиция карталары һәм оптималь алгоритмнар белән кагыйдәләр җыелмасы формалаштырыла. Стандарт икътисади яктан иң уңышлы төбәкләр тарафыннан кулланыла торган барлыгы 15 иң яхшы инвестиция практикасын үз эченә ала.
Татарстан инвестиция стандартының барлык биш элементы да гамәлгә кертелгән пилот төбәк булды:
- 1. Инвестиция декларациясе;
2. Инвестиция үсеше агентлыгы;
3. Инвестиция комитеты;
4. Инвестиция картасы;
5.Инвестиция кагыйдәләре җыелмасы.
Мониторинг үткәрү һәм төбәктә Төбәк инвестиция стандартын гамәлгә кертүне раслау өчен Татарстан Республикасы Икътисад министрлыгы җаваплы.
Төбәк инвестиция стандартының барлык элементлары буенча документлар Татарстан Республикасының Инвестиция порталында «Инвестстандарт» өстәмә битендә https://invest.tatarstan.ru/ru/investment-standard/ һәркем файдаланырлык итеп урнаштырылган.